«Samuryq-Qazynanyń» jaldamaly páterlerine qonystanǵandardyń 70 paıyzy 25-40 jas aralyǵyndaǵylar

ASTANA. 19 maýsym. QazAqparat - Jalǵa beriletin turǵyn úı baǵdarlamasyna tartylǵandardyń basym bóligin ekonomıkalyq belsendi halyq qurap otyr.

Bul týraly búgin Astanada ótken baspasóz máslıhatynda «Menedjment Jyljymaıtyn múlik» Jaýapkershiligi shekteýli seriktestiginiń dırektory  Aısultan Akchýrın málim etti. Esterińizge sala keteıik, atalǵan JShS «Samuryq-Qazyna» Jyljymaıtyn múlik qory» AQ-nyń enshiles uıymy bolyp tabylady jáne onyń basty qyzmeti - turǵyn úı men kommertsııalyq ǵımarattardy jalǵa berý, jalǵa beriletin baspanalar qoryn basqarý.

Toqtala ketetin jaıt, «Menedjment-Jyljymaly múlik» JShS elimizdegi jalǵa beriletin turǵyn úılerdi basqarýdaǵy biregeı tájirıbege ıe kompanııa bolyp tabylady. Al qurylys salasyndaǵy jańa baǵdarlama boıynsha respýblıkamyzda aldaǵy ýaqytta mıllıondaǵan sharshymetr baspana beriletinin eskere kele, turǵyn úı qoryn saqtap qana qoımaı, onyń uzaqmerzimdegi tartymdylyǵyn arttyrý da  mańyzdy bolmaq. Dál osy problemalardy anyq aıqyndaý maqsatynda atalǵan JShS tarapynan zertteý sharalar júzege asqan.

«Zertteýlerge sáıkes, Qazaqstandaǵy turǵyn úılerdi jalǵa alýshylardyń basym bóligi otbasyly azamattar. Sonymen qatar, jalǵa alýshylardyń jasyna kelsek, olardyń 70 paıyzy 25-40 jastaǵylardy quraıdy. ıAǵnı, bul elimizdiń ekonomıkalyq belsendi azamattary jalǵa alý sektoryna tartylǵanyn bildiredi», - deıdi Menedjment-Jyljymaly múlik» JShS dırektory Aısultan Akchýrın.

Al jumys oryndaryna keletin bolsaq, olardyń basym bóligin memlekettik qyzmetshiler - 21 paıyz, JShS qyzmetkerleri - 13 paıyz, Ulttyq kompanııa qyzmetkerleri - 8 paıyzdy, qalǵandary 56 paıyzdy quraıdy.