Samuryq-Qazynanyń syrtqy qaryzy qansha
"Samuryq-Qazyna" AQ qarjy jáne ekonomıka jónindegi dırektory Ernar Jańadildiń aıtýynsha, syrtqy qaryzdyń qazirgi kólemi 2,3 mlrd dollarǵa azaıyp otyr. "Osy jyldyń basynda syrtqy qaryz 18,5 mlrd dollar bolsa, búgingi tańda ol 16,2 mlrd dollar bolyp tur. Biz ony tómendettik. Qazir ózimiz 900 mln dollardy tóledik. Budan bólek, "QazMunaıGaz" ulttyq kompanııasy 1,6 mlrd dollardy tóledi. Osylaısha, dál qazir syrtqy boryshymyz 16,2 mlrd dollardy quraıdy. Negizi, osydan bes jyl buryn "Samuryq-Qazynanyń" syrtqy qaryzy 30 mlrd dollarǵa jetken", - dedi E.Jańadil QazAqparat tilshisine bergen suxbatynda.
Al úsh jyl buryn qor basshylyǵy syrtqy qaryzdy birden 7 mlrd dollarǵa azaıtqanyn jarııalaǵan bolatyn. "2015 jyldyń qorytyndysy boıynsha Samuryq-Qazynanyń syrtqy qaryzy 30 protsentke, ıaǵnı 7 mlrd dollarǵa azaıyp, 17,3 mlrd dollardy qurady", - degen edi sol kezdegi qarjy jáne operatsııalar jónindegi dırektor Elena Baxmýtova.
Aıta keteıik, búgin "Samuryq-Qazyna" AQ alty aıda tapqan tabysyn jarııalady. Budan bólek, "Samuryq-Qazyna" AQ qarjy jáne ekonomıka jónindegi dırektory Ernar Jańadil sheteldik bankterde jatqan depozıtterge qatysty túsinik berdi.
