«Samuryq-Qazynanyń» satyp alýlaryn biryńǵaı ereje boıynsha júrgizemiz - Premer-Mınıstr
"Men burynǵy qyzmette "Atamekenmen" birge "Samuryq-Qazyna" qorynyń satyp alýlary boıynsha eki jyldaı jumys istedim. Ómirzaq Estaıuly ("Samuryq-Qazynanyń" basshysy - avt.), ol jaqta, sizde "Samuryq-kontrakt" degen kompanııanyń bar ekenin jaqsy bilesiz. Endi, satyp alýlar máselesine kelgende ulttyq kompanııalar tarapynan úlken qarsylyqqa tap bolasyń, kádimgideı qasarysyp otyryp alady, ylǵı bir nárseni oılap tabady. Joǵary basshylyqqa siltep, bir ereje men ınstrýktsııa bar dep, aqtalyp otyrady. Maǵan únemi bir qaǵazdy kórsetetin. Sóıtip, daýlasyp jatqanda bir jyl da óte shyǵatyn edi", - deıdi Saǵyntaev.
Úkimet basshysynyń aıtýynsha, búginde "Samuryq-Qazyna" qoryna kiretin ulttyq kompanııalardyń satyp alýlary bólek zańmen retteledi. "Bul salada biryńǵaı saıasat joq. Bir jerde zańmen rettelse, basqa kompanııalar ishki erejelerge súıenedi. Osy júıeni túbegeıli ózgertý kerek. Bir aptanyń ishinde osy sanattaǵy kompanııalardyń satyp alýlaryna qatysty ortaq erejeler ázirlenýi tıis. Osy jumys barysynda kvazımemlekettik sektordyń satyp alýlaryn ashyq ári qoljetimdi etýge basa nazar aýdarý qajet. Ony qysqa ýaqyttyń ishinde jasaýdyń qajettiligi nede? Óıtkeni jaqyn arada satyp alýlar naýqany bastalady. Qazir barlyq qaǵazdar men erejelerdi aqtaryp shyqqansha, bir jyl óte shyǵady. Sosyn taǵy kelesi jylǵa qalamyz. Sondyqtan aǵymdaǵy jyldyń birinshi toqsanynda qarjy mınıstrligi tıisti zań jobasyn ázirleýi tıis. Ol satyp alýlardy biryńǵaı elektrondy formatqa aýystyrý qajet. Al otandyq kásipkerlerdiń oǵan emin-erkin qatysqany jón",- dep atap kórsetti Premer-Mınıstr.
