«Samuryq-Qazynanyń» operatsııalyq shyǵystaryn ne bári eki paıyzǵa qysqartý 90 mlrd. teńge únemdeýge múmkindik beredi

ASTANA. QazAqparat - «Samuryq-Qazynanyń» operatsııalyq shyǵystaryn ne bári eki paıyzǵa qysqartý 90 mlrd. teńge únemdeýge múmkindik beredi. Bul týraly KTK telearnasynyń «Halyq qyzmetshisi» baǵdarlamasyna suhbat bergen «Samuryq-Qazyna» UÁQ» basqarmasynyń tóraǵasy Ómirzaq Shókeev málim etti.

«Biz holdıngtiń operatsııalyq shyǵystaryn ne bári eki paıyzǵa qysqartý 90 mlrd. teńge únemdeýge múmkindik beretin kórdik. Bul qarjyǵa bir iri kásiporyn salýǵa bolady. Sondyqtan da shyǵystardy qysqartý barynsha mańyzdy», - dedi Ó.Shókeev.

Qor basshysy óz sózinde holdıngtiń tabysyn arttyrý máselesine de qatysty sóz qozǵady. Onyń aıtýynsha, holdıngtiń tabysy eń birinshi kezekte kúndelikti jumystardyń tıimdiligine baılanysty. Sonymen qatar, jumysshylardyń biliktilik deńgeıi, qoldanylatyn tehnologııalar, bıznes úderister básekege qabiletti bolýy tıis.