«Samuryq-Qazynanyń» kompanııalaryn bıyl jekeshelendirýdiń qaýpi týraly aıtyldy

NUR-SULTAN. QazAqparat – «Samuryq-Qazyna» aktıvterin dál bıyl jekeshelendirýdiń aıtarlyqtaı qaýpi bar. «Samuryq-Qazyna» UÁQ» AQ aktıvterdi basqarý jáne jekeshelendirý jónindegi dırektsııa basshysy Almasadam Satqalıev osylaı dedi, dep habarlaıdy QazAqparat tilshisi.

«Úkimetke kompanııalardy jekeshelendirý boıynsha bergen usynysymyzdyń negizgi máni merzimnen buryn – sapaǵa basa mán berý. ıAǵnı, dál bıylǵy jekeshelendirý biz kútken nátıjege qol jetkizbeıdi. Tipti, bul baǵdarlamany iske asyrýdyń belgili bir qaýpi de barshylyq. Sol sebepti ındıkatıvti merzimderdi tańdap aldyq», - dedi Almasadam Satqalıev tikeleı efırde ótip jatqan baspasóz máslıhatynda.

Dese de, dırektsııa basshysy jaqsy ınvestorlar tabylyp jatsa keıbir kompanııalardy josparlanǵan merziminen buryn jekeshelendirýge bolatynyn aıtyp ótti.

«Máselen, «Qazposhtany» 2021 jyly jekeshelendirý kózdelgen. Degenmen, jaqsy ınvestor tabylyp, múddemiz eskerilse, jaıly naryqtyq jaǵdaıda – biz ony erterek jekeshelendirýge daıynbyz», - dedi ol.

Búgingi onlaın efır barysynda Almasadam Satqalıev «Samuryq-Qazyna» aktıvterin bıyl ІRO-ǵa shyǵarýda aıtarlyqtaı qaýip baryn málim etti. ıAǵnı qazir ІRO-ǵa qoıylǵan jaǵdaıda kompanııalar baǵa jáne kólemi jaǵynan Úkimet qoıǵan parametrlik bazalarǵa jetpeı qalýy múmkin. Onyń aıtýynsha, 2021 jyly jekeshelendiriletin iri aktıvterdiń ishinde tek «Qazposhta» pen «Samuryq Energo» bar. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompanııasy, 2023 jyly «Qazaqstan temir joly» jekeshelendirilmek.

Sonymen qatar Almasadam Satqalıev «Samuryq-Qazyna» aktıvterin dál bıyl jekeshelendirýdiń aıtarlyqtaı qaýpi baryn aıtqan edi.