«Samuryq-Qazynanyń» alqa otyrysynda qordyń 2013 jylǵy negizgi mindetteri aıqyndalady

ASTANA 4 aqpan. QazAqparat - 7 aqpanda Qazaqstan Úkimeti basshysy Serik Ahmetovtiń qatysýymen «Samuryq-Qazyna» ulttyq ál-aýqat qory» AQ-nyń keńeıtilgen alqa otyrysy ótedi.

Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Osy otyrystyń barysynda 2012 jyl qorytyndylanyp, 2013 jylǵa degen qordyń negizgi mindetteri aıqyndalady dep kútilýde»,-dedi A. Ábıbýllaev.

Belgili bolǵanyndaı, otyrystan keıin «Samuryq-Qazyna» qorynyń basqarma tóraǵasy Ómirzaq Shókeevtiń buqaralyq aqparat quraldaryna arnalǵan brıfıngi josparlanyp otyr.