«Samuryq-Qazynaǵa» kórsetiletin qyzmetterdiń baǵa dempıngi 10 paıyzben shektelýi múmkin

ASTANA. QazAqparat – Premer-Mınıstr Álıhan Smaıylov Májilis depýtattarynyń Mańǵystaý oblysyndaǵy eńbek daýlaryn Úkimet deńgeıinde sheshý týraly saýalyna jaýap joldady, dep habarlaıdy QazAqparat tilshisi.

«Qordyń Dırektorlar keńesiniń 21 sáýirdegi sheshimimen (№217) qurylys-montaj jumystary boıynsha dempıng shekterin 8%-dan 5%-ǵa deıin, jobalaý jumystary, qurylys jobalaryn saraptaý jáne tehnıkalyq qadaǵalaý boıynsha 15%-dan 10%-ǵa deıin tómendetýdi kózdeıtin tolyqtyrýlar bekitildi», - dep jazady Álıhan Smaıylov.

Mundaı tolyqtyrýdyń pármeni «Samuryq-Qazyna» AQ-ǵa menshik nemese senimgerlik basqarý quqyǵymen tıesili zańdy tulǵalardyń satyp alý protsesterin retteıtin bolady.

«Búgingi tańda qor portfeldik kompanııalarmen birlesip ózge jumystar, kórsetiletin qyzmetter boıynsha dempıng shekterin 20%-dan 10%-ǵa deıin tómendetý máselelerin pysyqtaýda. Pysyqtalǵan sharalardyń qorytyndylary boıynsha tıisti ózgerister Qarjy mınıstrligine jáne Básekelestikti qorǵaý jáne damytý agenttigine kelisýge jiberiledi», - delingen jaýapta.