«Samuryq-Qazynada» «Adaldyq alańy» jobalyq keńsesi ashyldy
Jobalyq keńse sybaılas jemqorlyq alǵysharttaryn joıý, parasattylyq ıdeologııasyn ilgeriletý jáne qor kompanııalary tobynyń korporatıvtik basqarýyndaǵy qoǵamdyq baqylaýdy kúsheıtý maqsatynda qurylǵan.
Memleket basshysy «Samruk Business Forum» otandyq kásipkerlerdi qoldaý forýmy barysynda Qor nysandaryn 2025 jylǵa deıin tıimdi jáne ashyq jekeshelendirýdiń mindetti quraly retinde qoǵamdyq baqylaýdy atap ótti.
Birlesken is-sharalardy talqylaý barysynda A.Esimov qor memlekettiń sybaılas jemqorlyqqa qarsy saıasatyn iske asyrýǵa belsendi qatysyp, sybaılas jemqorlyq táýekelderine ushyraıtyn barlyq bıznes protsesterge egjeı-tegjeıli taldaý júrgizetinin atap ótti. Holdıng osy salada úlken tájirıbe jınaqtady.
Qor basshysy atap ótkendeı, satyp alýlar árqashan eń sybaılas jemqorlyq salasy bolyp sanaldy. Qabyldaǵan sharalar boıynsha atalǵan táýekelderdi edáýir tómendetýge múmkindik berildi.
Qazirgi ýaqytta «Samuryq-Qazyna» tobynyń barlyq satyp alýlary biryńǵaı elektrondyq júıede ashyq túrde júzege asyrylady, bul tapsyrys berýshi men ónim berýshiniń tikeleı baılanysyn boldyrmaıdy. Kez kelgen adam satyp alý josparlarymen, tenderler qorytyndylarymen jáne jasalǵan sharttarmen tanysa alady.
«Bir kózden satyp alýdy ótkizý úshin barlyq negizder túbegeıli qaıta qaraldy. Osynyń esebinen tek sońǵy jyldary bir kózden satyp alý 5 ese qysqaryp, básekeli satyp alý sany 6 esege artty. Bul bıznes úshin olardyń ashyqtyǵyn qamtamasyz ete otyryp, básekelestik ortany edáýir keńeıtýge múmkindik berdi» - dedi A.Esimov.
2020 jyldyń basynan bastap sharttarǵa elektrondyq túrde qol qoıýǵa múmkindik beretin optsııa engizilgenin atap ótken jón. Sondaı-aq, oryndalǵan jumystardyń aktilerine qol qoıýdyń elektrondyq nysany men elektrondyq ótinishter modýli engizildi, bul tenderge qatysýshylarǵa buzýshylyqtar týraly ótinishterdi Qorǵa onlaın rejımde jiberýge múmkindik beredi.
«Samuryq-Qazyna» AQ tóraǵasy Qor úshin mańyzdy mindetterdiń biri – joǵary bilikti mamandardy ashyq jaldaýdy qamtamasyz etý ekenin atap ótti. Bul úshin kandıdattardy irikteýdiń, sonyń ishinde táýelsiz testileý men jeke qasıetterin baǵalaýdyń kópsatyly júıesi engizildi.
Budan basqa, qorda túrli mamandyqtar boıynsha otandyq joǵary oqý oryndarynyń úzdik stýdentterin irikteýge múmkindik beretin «Jas órken» jáne «Tsıfrlyq jaz» baǵdarlamalary tabysty jumys isteıdi. Osy sharalardyń nátıjesinde 2020 jyly kadrlardyń aýysýy aldyńǵy jylmen salystyrǵanda eki ese azaıdy.
Óz kezeginde, Antıkor basshysy A.Shpekbaev qordyń «Adaldyq alańy» jobalyq keńsesi aıasynda sybaılas jemqorlyqqa qarsy mańyzdy ózgeristerdi bastaýǵa jáne parasattylyqty nasıhattaýǵa umtylysyn oń baǵalady.
«Samuryq-Qazyna» Ulttyq ál-aýqat qory» «Adaldyq alańy» jobasynyń tájirıbesin qabyldaǵan qazıgossektor sýbektileriniń arasynda alǵashqylardyń biri bolyp tabylady jáne bul qor basshylyǵynyń korporatıvtik parasattylyq qaǵıdattaryn ustanýynyń dáleli bolyp tabylady. Ony kúsheıtý úshin aldyn-ala vedomstvolyq júıeni qurý óte mańyzdy. Budan basqa, sybaılas jemqorlyqtyń aldyn alýdyń jáne korporatıvtik parasattylyq standarttarynyń saqtalýyn baqylaýdyń pármendi tetigi Qor 2017 jyldan bastap engizgen sybaılas jemqorlyqqa qarsy táýelsiz komplaens-qyzmetter, sondaı-aq pysyqtalyp jatqan ISO 37001 sybaılas jemqorlyqqa qarsy standarty bolyp tabylady. Sybaılas jemqorlyqtyń aldyn alý jónindegi tıimdi shara qoǵamdyq keńester qurý, satyp alý jónindegi komıssııalarǵa qoǵam ókilderin qosý, enshiles uıymdarda sybaılas jemqorlyqqa qarsy komplaens-qyzmetterdi ashý jáne olardy korporatıvtik ýnıversıtette oqytý bolady. Sondaı - aq, kvazımemlekettik sektor sýbektileriniń sybaılas jemqorlyq úshin satyp alýlar men jobalyq qarjylandyrýǵa jaýapty tulǵalardyń sheńberin keńeıtilgenine nazar aýdaramyn», - dep atap ótti A.Shpekbaev.
Іs-shara sońynda taraptar sybaılas jemqorlyqqa qarsy is-qımyl boıynsha yntymaqtastyq týraly memorandýmǵa qol qoıdy.
