«Samuryq-Qazyna» jyljymaıtyn múlik qory men «ATF Bank» «Alıansstroıınvest» JShS qurylys nysandaryn qarjylandyrýdy qaıta jańǵyrtady

  dep habarlaıdy QazAqparat.

 Budan buryn habarlanǵandaı, 2009 jylǵy qazannyń 18-inde «Alıansstroıınvest» JShS bas dırektory jáne onyń enshiles quryltaıshysy Rınat Naımanovqa úleskerlerdiń qarajatyn jymqyrdy degen aıyp taǵylǵan bolatyn. Basshysynyń qamaýǵa alynýynyń sebebinen qurylys salýshynyń aktıvterin tárkileý táýekeldigine baılanysty  Jyljymaıtyn múlik qory men «ATF Bank» kompanııaǵa tıesili qurylys nysandaryn qarjylandyrýdy ýaqytsha toqtatý týraly sheshim qabyldaǵan edi. Sonymen birge, R. Naımanovqa qatysty tyıý sharasy qamaýǵa alýdan kepildikke zat qoıý sharasyna  ózgertilýine baılanysty qarjylandyrý kidirissiz qaıta jańǵyrtyldy.

Eske sala keteıik, 2009 jylǵy shildeniń 8-de Jyljymaıtyn múlik qory «ATF Bank» AQ-nda maqsatty depozıt ornalastyrý arqyly qurylys salýshy «Alıansstroıınvest»  JShS-niń «Infınıtı» TK (1-shi jáne 2-shi kezek), «Gratsııa» TK (2-shi jáne 4-shi kezek) jáne «ASI 33/23» TK nysandarynyń qurylysyn aıaqtaýdy qarjylandyrýǵa kelisimshart jasasqan. Kelisimniń sharttary boıynsha, ATF Bank, ózine jobany iske asyrý barysynda týyndaýy múmkin barlyq táýekeldikterdi qabyldaı otyryp, qarajat ıgerýdi, sondaı-aq qurylys jumystarynyń barysyn jáne qarqynyn baqylaıdy. Bul oraıda nysandardyń qurylysy aıaqtalǵanda, bank jáne qurylys salýshy Jyljymaıtyn múlik qoryna bos turǵyn úı-jaılardy tabystaýdy mindetine alady.

«Alıansstroıınvest» JShS-niń nysandaryn aıaqtaý 911 úleskerdiń problemasyn sheshýge, sondaı-aq ekonomıkalyq aınalymǵa keleside Jyljymaıtyn múlik qory arqyly jaldaýǵa berý, óteýi tólep alynatyn jalǵa berý jáne tóte satý jolymen ótkizý kózdelip otyrǵan 648 páterdi engizýge múmkindik beredi.