«Samuryq-Qazyna» jyljymaıtyn múlik qory» AQ «Qarjy sektoryndaǵy úzdik jyldyq esep» nomınatsııasynda laýreat atandy

ASTANA. 13 jeltoqsan. QazAqparat - Búgin Almaty qalasynda «Ekspert RA Kazahstan» reıtıng agenttigi ótkizgen 2012 jyldyń qorytyndylary boıynsha III Jyldyq esepter konkýrsynyń nátıjeleri boıynsha marapattaý rásimi boldy.

Konkýrs nátıjeleri boıynsha «Samuryq-Qazyna» jyljymaıtyn múlik qory» AQ «Qarjy sektoryndaǵy úzdik jyldyq esep» nomınatsııasynda laýreat atandy.

Sarapshylar komıssııasy eseptiliktiń sapasyn jyldyq eseptiń aqparattyq mazmundyq tolyqtyǵyna jáne pishiminiń úzdik álemdik tájirıbege sáıkestigine qaraı baǵalady. Esepterdiń mazmuny bes negizgi ólshem boıynsha taldandy, sonyń ishinde: naryqtaǵy orny, bıznes strategııasy, baǵa qurý jónindegi qyzmeti, ornyqty damý jáne nysandy aqparattyń bolýy.

«Ekspert RA Kazahstan» reıtıng agenttigi sarapshylarynyń pikiri boıynsha «Samuryq-Qazyna» jyljymaıtyn múlik qory» AQ jyldyq esebi aqparattyq jáne mazmundyq tolyqtyǵymen erekshelenedi, onda kompanııanyń qyzmeti aıqyn kórsetilip, jekelegen ólshemder boıynsha Qazaqstandaǵy korporatıvtik eseptilikti daıyndaýdyń úzdik tájirıbesi usynyldy. Esep GRI (3.1-nusqa) talaptaryna jáne qarjy qyzmetteri sektoryna arnalǵan salalyq qosymshalarǵa sáıkes daıyndalǵan («S» qoldaný deńgeıi ólshemderine saı). Jyldyq esepte kompanııanyń strategııalyq maqsattary, jumystyń negizgi kórsetkishteri kórsetilip, qarjylyq taldaý berilgen, qyzmettiń negizgi baǵyttary boıynsha jumys nátıjeleri aıqyn kórinis taýyp, úzdik tájirıbege sáıkes korporatıvtik basqarý týraly aqparat keltirilgen, ornyqty damý aspektileri týraly aqparat ashyq kórsetilgen.

«Samuryq-Qazyna» jyljymaıtyn múlik qory» AQ jyldyq esebinde 2013 jylǵa arnalǵan damý keleshekteri baıandalǵan, qazaqstandyq kompanııalardyń kóbiniń esepterinde bul jetińkiremeıdi. Eseptiden keıingi jylǵa arnalǵan Qordyń josparlary naqtylanǵan jáne sandyq nysanalarmen berilgen. Sondaı-aq naryqqa sholý myqty jasalǵanyn aıtyp ótken jón: kompanııa qyzmetin júrgizetin salanyń negizgi kórsetkishteri tolyq ashylǵan, basty faktorlar, sonyń ishinde salaǵa áser etetin makroekonomıkalyq faktorlar aıqyndalǵan, - dep atap kórsetti «Ekspert RA Kazahstan» bas dırektory Ádil Mamajanov.

Joǵaryda atalǵan nomınatsııalardan basqa IIІ Jyldyq esepter konkýrsynda «Qarjylyq emes sektordaǵy úzdik jyldyq esep», «Dızaın jáne polıgrafııa» jáne «Úzdik ınteraktıvti esep» sııaqty nomınatsııalar boldy.