«Samuryq-Qazyna» jyljymaıtyn múlik qory» AQ «Han-Tengrı» turǵyn úı kesheni qurylysyn qarjylandyrýdy toqtatýǵa baılanysty arnaıy túsinikteme berdi

dep habarlaıdy QazAqparat.

Esterińizge sala keteıik, atalǵan nysannyń 137 úleskeriniń problemalaryn sheshý maqsatynda 2009 jylǵy shildeniń 3-inde «Samuryq-Qazyna» jyljymaıtyn múlik qory» AQ men «ARUANA-Han-Tengrı» JShS arasynda Jyljymaıtyn múlik qorynyń nysan qurylysyn aıaqtaýdy qarjylandyrýdy kózdeıtin shart jasalǵan bolatyn. Osy sharttyń talaptaryna sáıkes Jyljymaıtyn múlik qory shartta kórsetilgen somanyń 1/3 bóligin quraıtyn 318 mln. teńgeni nysannyń qurylysyna aýdarady. Buny Qurylys salýshy tolyq kólemde ıgergen. Alaıda, ári qaraı qarjylandyrý toqtatylyp otyr. Osyǵan oraı, «Samuryq-Qazyna» jyljymaıtyn múlik qory» AQ qurylys salýshy «ARUANA-Han-Tengrı» JShS-nyń «Han-Tengrı» turǵyn úı kesheni qurylysyn qarjylandyrýdy toqtatýǵa baılanysty arnaıy túsinikteme berip otyr.

«Astana qalasynyń mamandandyrylǵan aýdanaralyq ekonomıkalyq sotynyń 2009 jylǵy shildeniń 27-isindegi sheshiminiń negizinde «Qazkommertsbank» AQ-nyń talaby boıynsha «ARUANA-Han-Tengrı» JShS nysanǵa ıe bolý quqyǵynan aıyryldy. Ol «Qazkommertsbank» AQ-nyń aldyndaǵy mindettemelerdi qamtamasyz etý boıynsha Qurylys salýshynyń enshiles uıymyna berilgen. Qarjylandyrýdy toqtatqan sátten bastap úleskerlerdiń problemalaryn sheshý maqsatynda Jyljymaıtyn múlik qorynyń qarjylandyrýyn qaıta jańǵyrtý úshin nysandy qurylys salýshyǵa qaıtarý máselesi boıynsha «Qazkommertsbank» AQ-men kelissózder júrgizilýde. Alaıda, bul másele osy ýaqytqa deıin sheshilmeı keledi. Óıtkeni «Qazkommertsbank» AQ-nyń qurylys salýshyny kýálandyrý boıynsha qoıyp otyrǵan talaptaryn qazirgi ekonomıkalyq jaǵdaıda oryndaý múmkin emes», delingen qordyń baspasóz qyzmeti taratqan aqparatta.