«Samuryq-Qazyna» jyljymaıtyn múlik qory» AQ 2013 jyldyń І jartyjyldyǵyndaǵy qarjy-sharýashylyq qyzmetin qorytyndylady
Esep berý kezeńinde Qor 881 mln. teńge kóleminde taza kiris alǵan nemese josparlanǵan mólsherden 2 paıyzǵa joǵary. Qor shyǵyndary, sonyń ishinde, ákimshilik shyǵyndar 23 paıyzǵa, qarjylyq shyǵyndar 18 paıyzǵa tómendegen.
Memleket basshysynyń tapsyrmasymen qolǵa alynǵan «Qoljetimdi baspana-2020» baǵdarlamasynyń júzege asyrylý barysynda belsendi jumys júrgizilip jatyr.
«Qoljetimdi baspana - 2020» baǵdarlamasy boıynsha salýshylar tapsyrysy boıynsha jobalardy júzege asyrý mehanızmi aıasynda 6 ınvestıtsııalaý kelisimi jasalǵan: Almaty oblysynda («Asyl Arman» TK (birinshi kezekte), «Asyl Arman» TK (ekinshi kezekte); Astana qalasynda «Shyǵys» TK; Almaty qalasynda «Zamanaýı turǵyn úı kesheni» TK; Taraz qalasynda «Maıakovskıı kóshesi, 42» TK jáne Aqtóbe qalasynda «ıÝnısSıtı» TK.
Turǵyn úı qurylysyna tartylǵan jekemenshik ınvestıtsııa úlesi jasalǵan ınvestıtsııalaý kelisimsharttary boıynsha 25,6 paıyzdy qurady.
Jasalǵan kelisimsharttar boıynsha salynǵan nysandardyń jalpy aýmaǵy 578 myń sharshy metrdi qurady, sonyń ishinde turǵyn úı kesheni 412 myń sharshy metr nemese 7 464 páter, onyń 5756 páteri nemese 315,5 myń sharshy metri Jyljymaıtyn múlik qoryna tıesili, sonymen qatar bos oryn 6,5 myń sharshy metrdi qurap otyr.
Jyljymaıtyn múlik qorynda qazirgi tańda 16 turǵyn úı kesheniniń qurylys jobasy qarastyrylyp jatyr. Jalpy aýmaǵy - 313,2 myń sharshy metr.
Sonymen qatar Jyljymaıtyn múlik qory Baǵdarlamany júzege asyrý aıasynda jergilikti úı salýshylardy satyp alý men qurylys salasynda kadrlar daıyndaý suraqtaryna asa zor mán berip otyr. Júzege asyrylyp jatqan jobalar boıynsha tapsyryspen úı salýshylardyń úlesi 70 paıyzdy quraıdy.
