«Samuryq-Qazyna» jyljymaıtyn múlik qory 2 382 páterdi paıdalanýǵa berdi

ASTANA. QazAqparat - «Qoljetimdi baspana-2020» baǵdarlamasy sheńberinde «Samuryq-Qazyna» jyljymaıtyn múlik qory páterlerdiń jalpy aýmaǵy 659 myń sharshy metrdi quraıtyn 15 jobany iske asyrdy, dep habarlaıdy atalǵan qordyń baspasóz qyzmeti.

Atalǵan jobalar 8 oblysta: Mańǵystaý, Aqtóbe, Qyzylorda, Qaraǵandy, Ońtústik Qazaqstan, Jambyl, Almaty, Shyǵys Qazaqstanda jáne Almaty men Astana qalalarynda atqaryldy.

Olardyń ishinde 2013-2014 jyldary Aqtóbe, Taraz qalalarynda jáne Almaty qalasynyń mańynda jalpy turǵyn aýdany 151,18 myń sharshy metr, ıaǵnı 2 941 páterdi qamtıtyn úsh turǵyn úı obektisi paıdalanýǵa berildi, sonyń 118,87 myń sharshy metrdi alyp jatqan 2 382 páteri «Samuryq-Qazyna» jyljymaıtyn múlik qoryna tıesili.