«Samuryq-Qazyna» Jyljymaıtyn múlik qory» 10 turǵyn úı kesheniniń qurylysyn aıaqtap, iske qosty
«SQ» Jyljymaıtyn múlik qorynyń» (JMQ) resmı saıtynda kompanııanyń aǵymdaǵy jyldyń 9 aıyndaǵy jumysynyń qorytyndysy jarııalandy.
Atap aıtqanda, atalmysh kezeńde kompanııanyń shoǵyrlanǵan taza kirisi 2,4 mlrd. teńgeni qurady. Bul josparly kórsetkishten 2,4 esege kóp. Esepti kezeńde kompanııaǵa - 4,7 mlrd. teńge, sonyń ishinde negizgi qyzmetinen - 3,2 mlrd. teńge, negizgi emes qyzmetinen - 1,5 mlrd. teńge kiris kirdi. Shyǵyndar - 2,1 mlrd. teńgeni, korporatıvti kiris salyǵy boıynsha 185 mln. teńgeni qurady.
Kompanııanyń aktıvteri 2011 jyldyń 30 qyrkúıegindegi jaǵdaı boıynsha, 95,95 mlrd. teńgeni, menshikti kapıtal - 26,2 mlrd. teńgeni, mindettemeler - 69,7 mlrd. teńgeni qurady.
Eske salaıyq, álemdik qarjy daǵdarysynyń saldarynan qurylystary turalap qalǵan 23 turǵyn úı keshenin salyp bitirý JMQ-ǵa tapsyrylyp, oǵan Úkimetten 78,2 mlrd. teńge bólingen bolatyn.
Bıylǵy jylǵy qyrkúıektiń sońyna deıin JMQ jalpy somasy 76,1 mlrd. teńgege qurylysy aıaqtalmaǵan 21 nysandy qarjylandyrýǵa kelisim sharttar jasady. 18 nysan (55,3 mlrd. teńge) Astana qalasynda, 1 nysan (16,1 mlrd. teńge) - Almaty oblysynda jáne 2 nysan (4,7 mlrd. teńge) - Almaty qalasynda ornalasqan.
Atalmysh kezeńge deıin kompanııa merdigerlerdi 68,9 mlrd. teńgege, sonyń ishinde ústimizdegi jyldyń 9 aıynda - 22,8 mlrd. teńgege qarjylandyrdy. Ótken toǵyz aıdaǵy merdigerlerdiń satyp alýlaryndaǵy qazaqstandyq mazmunnyń úlesi 65 paıyzdy qurady (jospar - 107 paıyz).
Atqarylǵan jumystardyń nátıjesinde 2011 jylǵy 30 qyrkúıekke deıin 10 nysan paıdalanýǵa berildi - «Aqjaıyq» TK, «Ál Arqa» TK, «Soltústik shuǵyla» TK, «Marııa» TK, «Sýly-jasyl býlvar» TK, «Batys» TK, «Qalalyq romans» TK, «Astana juldyzy» TK, «Esil» TK, «Aııa» TK, «Bógenbaı batyr» TK-nyń eki nysanynyń 3 kezegi, «Han Táńiri» TK (1,2 kez.). 1487 úlkeskerdiń máselesi sheshildi.
