«Samuryq-Qazyna» JMQ jáne Almaty qalasy men Almaty oblysynyń kásiptik oqý mekemeleri arasynda Áleýmettik áriptestik týraly memorandýmǵa qol qoıyldy
Bul týraly qordyń baspasóz qyzmetinen habarlandy.
Memorandýmǵa qol qoıý Qazaqstan Respýblıkasy Prezıdenti N.Á.Nazarbaevtyń bilim berý men kadrlardy daıarlaýdyń dýaldy júıesin engizý týraly tapsyrmasyn oryndaý sheńberinde QR BǴM, Almaty qalasy men Almaty oblysynyń Bilim basqarmalarynyń qoldaýymen jasaldy.
Іs-sharanyń resmı bóliginde eki jaqtyń da ókilderi sóz sóıledi: olardyń ishinde «Samuryq-Qazyna» jyljymaıtyn múlik qory» AQ Basqarýshy dırektory M.Joldasov, Almaty qurylys-tehnıkalyq kolledjiniń dırektory I.Nurmuhanbetov, Taldyqorǵan polıtehnıkalyq kolledjiniń dırektory G.Tákenov, Almaty qalasy Bilim basqarmasynyń ókili, «Elıtstroı Proekt» JShS, «Ahsel» JShS qurylys kompanııalarynyń ókilderi bar.
M. Joldasov habarlaǵandaı, Aqtóbe qalasynyń oqý mekemelerimen jasalǵan Áleýmettik áriptestik týraly memorandýmǵa sáıkes 2013 jyldyń 15 mamyrynda Aqtóbe qalasynyń Qurylys jáne bıznes kolledjiniń stýdentteri «Qoljetimdi baspana - 2020» memlekettik baǵdarlamasy sheńberinde salynyp jatqan «ıÝnısSıtı» TK qurylys alańyna óndiristik tájirıbeden ótýge jiberilmek. «Búgingi kúni osyndaı Áleýmettik áriptestik týraly memorandýmdar Almaty qalasy men Almaty oblysyn qospaǵanda, Astana jáne Aqtóbe qalalarynda jasaldy. «Qoljetimdi baspana - 2020» memlekettik baǵdarlamasyn iske asyrý sheńberinde «Samuryq-Qazyna» jyljymaıtyn múlik qory» AQ qorjynyna jańa jobalardyń kelip túsýine qaraı, nysandardyń ornalasýy men qajeti eskerilip, qol qoıylǵan Memorandýmdar sany artyp otyrady», - dep ýáde etti M. Joldasov. Sonymen qatar, «Samuryq-Qazyna» jyljymaıtyn múlik qory» AQ budan ári de jas mamandardy jumysqa ornalastyrýǵa jan-jaqty járdemdesýge daıyn. Búginniń ózinde Qazaqstannyń oqý mekemelerine qurylys kompanııalaryndaǵy bos oryndar týraly aqparat joldandy.
