«Samuryq-Qazyna» JMQ» AQ «Qoljetimdi baspana» baǵdarlamasy boıynsha taǵy eki qalada qurylys jumystaryn bastady

ASTANA. 19 maýsym. QazAqparat - «Samuryq-Qazyna» jyljymaıtyn múlik qory» AQ «Qoljetimdi baspana - 2020» baǵdarlamasy sheńberinde Astanada «Shyǵys» turǵyn úı keshenin jáne Taraz qalasynda 25 qabatty eki úıdiń qurylysyn ınvestıtsııalaý týraly shart jasalyp, qurylys jumystary bastalǵany jóninde habarlaıdy.

Bul týraly Qordyń baspasóz qyzmetinen málim etti.

Astanada boı kóteretin «Shyǵys» turǵyn úı kesheni ( 1A,1B jáne 1V - úsh bloktan turatyn) Esil ózeniniń sol jaǵalaýynda Syǵanaq kóshesinde ornalasady. Páterlerdiń jalpy aýdany 85133,91 sh.m., sonyń ishinde Qormen jasalǵan ınvestıtsııalaý sharty boıynsha salynatyny - 768 páter.

Taraz qalasynda salynatyn úıler Maıakovskıı, 42 mekenjaıy boıynsha ornalasady. Páterlerdiń jalpy aýdany 5558,58 sh.m. Qurylysty aıaqtaý 2014 jylǵa josparlanǵan.

«Qoljetimdi baspana - 2020» baǵdarlamasy sheńberinde Qor páterlerdi ótkizýdiń eki jolyn usynady: tikeleı satý jáne satyp alý quqyǵymen jalǵa berý. Bul rette satyp alý quqyǵymen jaldaý sharttarynda jalgerge turǵyn-jaıdy óz menshigine merziminen buryn satyp alý quqyǵy kózdelgen.

Páterlerdi satyp alý quqyǵymen jaldaý arqyly ótkizý merzimi - 15 jylǵa deıin. Jalger páterdi satyp alý quqyǵymen jaldaý sharty boıynsha óz mindettemelerin tolyq oryndap bitken soń, satyp alynǵan páterdi Qor jalgerdiń menshigine tapsyrady. Jeke tulǵalar páter satyp alý quqyǵyn, sonyń ishinde jaldaı otyryp satyp alý quqyǵyn bir-aq ret paıdalana alady.

Qazirgi ýaqytta «Qoljetimdi baspana - 2020» baǵdarlamasy sheńberinde «Samuryq-Qazyna» jyljymaıtyn múlik qory» AQ-da páterlerdi ótkizý erejesi ázirlenýde, oǵan sáıkes páter satyp alý týraly ótinimderdi Internet arqyly qabyldaý kózdelgen.

«Qoljetimdi baspana - 2020» baǵdarlamasy sheńberinde Jyljymaıtyn múlik qory Almaty qalasynyń tóńireginde «Asyl Arman» turǵyn úı keshenin jáne Aqtóbe qalasynda «ıÝnıs Sıtı» turǵyn úı keshenin salýda.