«Samuryq-Qazyna» Ulttyq ál-aýqat qorynyń basqarmasy «Qazposhta» aktsıonerlik qoǵamynda kadrlyq ózgertýler jasady
ASTANA. Qyrkúıektiń 20-sy. QazAqparat - «Samuryq-Qazyna» Ulttyq ál-aýqat qory basqarmasynyń kezekti otyrysynda «Qazposhta» aktsıonerlik qoǵamy qyzmetiniń túrli aspektine qatysty máseleler qaraldy. Senbi kúni ótken otyrystyń qorytyndysy boıynsha Qordyń jalǵyz aktsıoneri retindegi memlekettiń múddesin qamtamasyz etý jónindegi sheshimder qabyldandy, dep habarlady Qordyń baspasóz qyzmetinen.
Atap aıtqanda, Qor basqarmasy basqa jumysqa aýysýyna baılanysty «Qazposhta» AQ basqarmasynyń tóraǵasy Dáýren Tumanbaıuly Moldaǵalıevti qyzmetinen bosatý týraly sheshim qabyldady. Onyń ornyna kompanııa basshysy bolyp, buǵan deıin «Damý» Kásipkerlikti damytý qory» AQ basqarmasy tóraǵasynyń orynbasary bolǵan Salaýat Qalymǵazyuly Sherııazdanov saılandy.
Qor basqarmasynyń sheshimimen sondaı-aq, «Qazposhta» AQ dırektorlar keńesiniń quramynda mynadaı ózgertýler jasaldy:
- rotatsııalaý aıasynda «Samuryq-Qazyna» Ulttyq ál-aýqat qory» AQ-nyń basqarýshy dırektory Nurlan Qusaıynov «Qazposhta» AQ dırektorlar keńesiniń tóraǵasy bolyp taǵaıyndaldy (buǵan deıin, 2009 jyldyń shilde aıynan beri dırektorlar keńesin Aıdan Káribjanov basqaryp kelgen bolatyn);
- keńes músheligine baılanys jáne aqparat vıtse-mınıstri Sáken Sársenov saılandy.
