«Samuryq-Qazyna» Ulttyq ál-aýqat qorynda basqarýshy dırektory aýysty
ASTANA. Maýsymnyń 16-sy. QazAqparat - Búgin «Samuryq-Qazyna» Ulttyq ál-aýqat qory» AQ basqarmasynyń sheshimimen munaıgaz jáne elektr energetıka aktıvterin basqarý máselelerin basqaratyn basqarýshy dırektor bolyp Danııar Rýstemuly Ábilǵazın taǵaıyndaldy. Buǵan deıin bul qyzmetti basqa jumysqa aýysqan Bolat Oraluly Aqsholaqov atqarǵan edi.
41 jastaǵy D.Ábilǵazın 2008 jyldan bastap Qorda basqarma tóraǵasynyń keńesshisi bolyp jumys atqardy. Munaıgaz sektorynda 2000 jyldan beri qyzmet atqarýda, sonyń ishinde 2000-2007 jyldary «QazMunaıGaz» UK júıesinde. 1995 jyldan bastap Qarjy mınıstrligi júıesinde jumys jasaǵan. Eki joǵary bilimi bar: ekonomıst jáne radıobaılanys ınjeneri.
