«Samuryq-Qazyna» ulttyq ál-aýqat qoryna qarasty kompanııalardyń tapsyrysynda Almatynyń úlesi 25 paıyz

ALMATY. 20 jeltoqsan. QazAqparat - Almaty qalasynyń respýblıkalyq jalpy ishki ónimdegi úlesi bıyl 25 paıyzdy quraıdy.

 Bul jaıly qala ákimi Ahmetjan Esimov búgin «Memlekettik tapsyrys-2013»  aktsııasynda aıtty.

«Almaty qalasyndaǵy kásiporyndarǵa «Samuryq-Qazyna» UÁQ» AQ-na qarasty kompanııalardyń memlekettik tapsyrysynyń úlesi 2 ese ósip otyr. Bul ózge kompanııalarda da artýda. Búgin  qalalyq  Іskerlik keńesiniń májilisinde qazirgi tańda bıýdjetke 1 trıllıon 100 mıllıard teńge salyq jınalǵany aıtyldy. Bul respýblıkalyq bıýdjettik túsimderdiń 25 paıyzdan astamy. Ol 2 jyl burynǵy kórsetkishten 45 paıyzǵa  joǵary», - dedi A. Esimov. Onyń aıtýynsha, bıyl tórtinshi ret ótip otyrǵan «Memlekettik tapsyrys» aktsııasy qatysýshylar arasynda tolyqtaı ózara túsinistik taýyp otyr.  Ádette, kásiporyndar ulttyq kompanııalarǵa  kóp saýaldar joldaıtyn. Bıyl ulttyq qordyń Basqarma tóraǵasy Ómirzaq Shókeevtiń baıandamasynan keıin barlyq máseleniń jaı-japsary túsinikti boldy.