«Samuryq-Qazyna» ulttyq ál-aýqat qory» AQ basqarmasy jáne Jyljymaıtyn múlik qory Samuryq-Qazyna AQ-nyń qurylys nysandaryna ınspektsııa júrgizdi
ASTANA. Tamyzdyń 31-i. QazAqparat - Mereke kúnderi «Samuryq-Qazyna» ulttyq ál-aýqat qory» AQ basqarmasynyń tóraǵasy Q.Kelimbetovtiń basshylyq etýimen Jyljymaıtyn múlik qory «Samuryq-Qazyna» AQ-nyń qarajaty esebinen qurylysy jalǵasyp jatqan turǵyn qurylys nysandaryna ınspektsııa júrgizildi, dep habarlaıdy qordyń baspasóz qyzmeti.
«Samuryq-Qazyna» UÁQ-y, Astana qalasynyń ákimdigi jáne «Samuryq-Qazyna» jyljymaıtyn múlik qory ókilderinen quralǵan delegatsııa daǵdarysqa qarsy memlekettik baǵdarlamaǵa sáıkes qabyldanyp jatqan jyljymaıtyn múlik naryǵyndaǵy problemalardy sheshý boıynsha júzege asyrylyp jatqan is-sharalarǵa monıtorıng júrgizý maqsatynda Astana qalasynda kelesi nysandar aralap shyqty: «Skazochnyı mır» TK, «Astana Juldyzy» TK, «Infınıtı» TK, «Ishım» TK, «Caspian Palace» TK jáne «Gorodskoı romans» TK. Bitirilgen nysandar «Marııa» TK jáne «Severnoe sııanıe» TK. Іs-sapar barysynda qurylys, sonymen qatar úleskerler problemalaryn sheshýge nazar aýdaryldy.
2010 jylǵy tamyzdyń 1-indegi jaǵdaı boıynsha Jyljymaıtyn múlik qorymen 27 nysanǵa qurylys aıaqtaý úshin jalpy somasy 90, 47 mlrd.tengege kelisim-sharttarǵa qol qoıyldy, sonyń ishinde 24 nysan Astana qalasynda 69,67 mlrd. teńge, 2 nysan - Almaty qalasynda 4,75 mrld. teńge, 1 nysan - Almaty qalasynyń aımaǵynda ornalasqan.
Qol qoıylǵan kelisim-sharttar barysynda 2010 jyly 1502 úleskerlerdiń problemalary sheshiledi, Jyljymaıtyn múlik Qory arqyly 125,1 myń sh.m. jalpy alańy satyp alynady - 2902 páter (Jylmaıtyn múlik Qorynyń 958 páteri).
Eki nysannyń (Ál-Arqa TK - 153 páter jáne Aqjaıyq TK 96 páter) qurylys-montajdaý jumystary aıaqtalyp, páterleri taratyldy.
Sondaı-aq, Jyljymaıtyn múlik qory jalpy somasy 43,7 mlrd. teńge bolatyn 8 nysandardy qarastyrýda. Nysandardyń kóbisi 2010-2012 jyldardyń arasynda beriledi, 2010 jyly ózinde 8 nysan jáne 4 nysannyń 4 kezegin bitirý josparlanǵan.
Qarjylandyrǵan nysandardyń sıpattamasy jáne aǵymdaǵy qalpy korparatıvtik veb-saıtta ornalasqan.
