Samuryq-Qazyna Úkimetke 716 mlrd. teńge dıvıdendter tóledi
ASTANA. QazAqparat - «Samuryq-Qazyna» ulttyq ál-aýqat qory Úkimetke 716 mlrd. teńge dıvıdendter tóledi. Bul týraly QR Parlamenti Májilisindegi dóńgelek ústelde atalǵan Qordyń basshysy Ómirzaq Shókeev málim etti, dep habarlaıdy QazAqparat.
«Qor qurylǵaly salyq jáne basqa da tólemder túrinde 7,9 trln. teńge tóledi, sondaı-aq jalǵyz aktsıoneri bolyp tabylatyn QR Úkimetine 716 mlrd. teńge dıvıdendter jáne ózge de tólemderdi iske asyrdy»,-dedi Ó. Shókeev.
Onyń sózine qaraǵanda, taza kiriste aktsıonerdiń paıdasyna tólengen dıvıdendter men basqa da tólemder úlesi turǵysynda «Samuryq-Qazyna» qory álemniń úzdik qorlarynyń osy tektes kórsetkishterine qatarlasyp keledi.
«Samuryq-Qazyna» ulttyq ál-aýqat qory ınvestıtsııalyq holdıng bolyp tabylady. Oǵan Qazaqstannyń ulttyq ál-aýqat arttyrý men ekonomıkany jańǵyrtýǵa qoldaý jasaý sekildi mindetter júktelgen.
