"Samuryq-Qazyna" UÁQ" satyp alýlarda 11 aıda 1,444 trılıon teńgeniń 50 myńdaı kelisimin jasady

ALMATY. Jeltoqsannyń 12-si. QazAqparat /Erlik Erjanuly/ - "Samuryq-Qazyna" UÁQ" AQ-yna kiretin kompanııalar tobynyń satyp alýlaryndaǵy qazaqstandyq qamtý 62 paıyzdy qurady.

 Bul  jaıly keshe Almatyda ótken  "Memlekettik tapsyrys-2010" aktsııasy aıasynda ótken alqaly basqosýda belgili boldy, dep habarlaıdy QazAqparat.

         "Samuryq-Qazyna" UÁQ" AQ-na kiretin kompanııalardyń satyp alýlary kólemi eldiń  jalpy ishki óniminiń shırek bóligin quraıdy. Aǵymdaǵy jyly taýar, jumys pen qyzmetti satyp alýdyń shoǵyrlandyrylǵan  shyǵyny 2 trıllıon teńgeden asady dep josparlanyp otyr. 11 aıdyń ishinde Almaty qalasyndaǵy kásiporyndardan 343 mıllıard teńgeniń satyp alýlary jasaldy. Onda qazaqstandyq qamtý 77 paıyzdy qurady. "Samuryq-Qazyna" UÁQ" AQ-nyń Basqarma tóraǵasy Qaırat Kelimbetovtiń aıtýynsha, aldaǵy ýaqytta otandyq taýar óndirýshilermen satyp alý kelisimin jasaý kezinde tapsyrys berýshi kelisimsharta kórsetilgen somanyń   keminde 30 paıyzyn 30 kúntizbelik kúnniń ishinde tólem jasaýy qarastyrylyp otyr. Bolashaqta bul merzim taǵy qysqartylatyn bolady.