«Samuryq-Qazyna» UÁQ men International Herald Tribune uıymdastyrýymen IV Qazaqstandyq ınvestıtsııalyq sammıt ótedi
dep habarlaıdy QazAqparat.
«2008 jyly qazanda qurylǵan «Samuryq-Qazyna» Ulttyq ál-aýqat qory sońǵy jyldary el Úkimetiniń daǵdarysqa qarsy baǵdarlamasyn sátti oryndap shyqty. Qazirgi kúni Qordyń jumysy el ekonomıkasynyń daǵdarystan keıingi damýyna baǵyttalyp otyr. Investıtsııalyq Sammıt kezinde el basshylyǵy, isker orta ókilderi, álemniń kóptegen elderinen jınalǵan ınvestorlar Qazaqstannyń daǵdarystan keıingi ınvestıtsııalyq tartymdylyǵy jáne bundaǵy yqtımal qaterler jóninde óz oılaryp ortaǵa salyp, talqylaı alady. Qarjy máseleleri men ekonomıkalyq ózgeristerge qaramastan Qazaqstan óziniń ekonomıkalyq damýyna qajetti ınvestıtsııalar deńgeıin saqtap qaldy. Sammıt kezinde Qazaqstannyń ındýstrııaldy-ınnovatsııalyq damýy boıynsha Memleketik baǵdarlamany júzege asyrýda shetel ınvestorlarynyń qatysýy sharalary talqylanady, uzaq merzimge negizdelgen ekonomıkalyq ósim men básekege qabilettilikti aıqyndaıtyn quqyqtyq erejeler jasaý týraly da másele qozǵalady», delingen Qordyń baspasóz qyzmeti taratqan aqparda.
Sonymen birge, alqaly jıyn barysynda Qazaqstannyń Ortalyq Azııa óńirindegi ónerkásiptik lıder bolý múmkindigi, eldiń munaı-gaz ónerkásibindegi jańa múmkindikteri týraly, sonymen qatar, Qazaqstannyń qarjylyq salasyn turaqtandyrýdaǵy daǵdarysqa qarsy sharalar, ınvestorlardyń eldegi perspektıvasy sekildi máseleler de qamtylady.
