«Samuryq-Qazyna» UÁQ kompanııalar tobyndaǵy barlyq laýazymdar saralanýy tıis
ASTANA. QazAqparat - «Samuryq-Qazyna» ulttyq ál-aýqat qorynyń kompanııalar tobyndaǵy barlyq laýazymdar saralanýy tıis. Bul týraly búgin QR Parlamenti Májilisinde ótken dóńgelek ústelde qor basshysy Ómirzaq Shókeev málim etti, dep habarlaıdy QazAqparat.
«Bizdiń barlyq qyzmetkerlerimiz ótetin rekrýtıngtiń 8 kezeńi ujymǵa kezdeısoq adamdardyń kirip ketýine jol bermeıdi. Mine adamdarǵa qatysty osyndaı ádis bar», - dedi ol.
Shókeevtiń aıtýynsha, qor ózine qarasty kompanııalar tobynyń barlyq 300 myń qyzmetkerin halyqaralyq standarttar boıynsha birden oqytýdy aldyna maqsat etip qoımaıdy. Kompanııa jumysynyń tıimdiligin aıqyndaıtyn 1 500 laýazym iriktep alynǵan. Bul laýazymdar kompanııanyń negizgi maqsatyna baılanysty saralanatyn bolady. Egerde kompanııanyń negizgi maqsaty qunyn arttyrý bolsa, onda barlyq laýazymdar mańyzdylyǵna qaraı retteledi. Osylaısha, taý-ken metallýrgııa departamentiniń menedjeri ákimshilik departamenti dırektorynan joǵary turýy ári úlken jalaqy alýy yqtımal.
