«Samuryq-Qazyna» UÁQ Dırektorlar Keńesiniń otyrysynda korporatıvti basqarý kodeksi talqylandy
ASTANA. Qarashanyń 19-y. QazAqparat /Qanat Mámetqazyuly/ ‑ Keshe qarashanyń 18-inde Qazaqstan Respýblıkasy Premer-Mınıstri - Dırektorlar Keńesiniń Tóraǵasy Kárim Másimovtyń basshylyǵymen «Samuryq-Qazyna» UÁQ Dırektorlar Keńesiniń otyz ekinshi ashyq jıyny bolyp ótti,
dep habarlaıdy QazAqparat Qordyń baspasóz qyzmetine silteme jasap.
Jıynnyń kún tártibinde Qor men onyń enshiles kompanııalarynyń jumysyna qatysty birqatar ózekti máseleler qarastyryldy. Sonymen birge, Dırektorlar Keńesi Qordyń korporatıvti basqarý kodeksin talqyǵa saldy. Erejeler men aqyl-keńes usynystary jıyntyǵynan turatyn atalǵan kodeksti «Samuryq-Qazyna» UÁQ korporatıvti basqarý salasynda joǵary deńgeıdi qamtamasyz etý úshin paıdalanatyn bolady. Osyǵan oraı, Qor quramyna enetin birqatar kompanııalardaǵy korporatıvti basqarýdyń qazirgi jaǵdaıy jóninde de áńgime órbidi.
Budan basqa, keńes barysynda «Samuryq-Qazyna» UÁQ quramyna enetin iri kompanııalardyń 2009 jyldyń 9 aıyndaǵy esepteri jáne jalpy jyl boıyndaǵy aldyn-ala qarjylyq-sharýashylyq qorytyndylary týraly aqparat, «Samuryq-Qazyna» UÁQ ishki aýdıt qyzmetiniń sońǵy 9 aıdaǵy qorytyndysy jáne Qor quramyndaǵy kompanııalardyń 2009 jyldyń 2-shi toqsanyndaǵy táýekelderi týraly esepter tyńdaldy.
Jıyn qorytyndysyna oraı, kún tártibine qoıylǵan barlyq máseleler boıynsha arnaıy sheshimder qabyldandy.
