"Samuryq-Qazyna" UÁQ" AQ-na qarasty mekemelerde aǵymdaǵy jyly 3 trıllıon 350 mıllıard teńgeniń kelisimsharty jasaldy

ALMATY. 28 jeltoqsan. QazAqparat /Erlik Erjanuly/ - "Samuryq-Qazyna" UÁQ" AQ-na qarasty mekemelerde aǵymdaǵy jyly memlekettik satyp alý 3,5 trıllıon teńge kóleminde josparlanǵan.

Bul týraly "Samuryq-Qazyna Kontrakt» JShS Bas dırektory Qaırat Sábdenov búgin Almatyda ótken "Memlekettik tapsyrys-2011" aktsııasynda aıtty.

"Qazirgi tańda "Samuryq-Qazyna" UÁQ" AQ tártibine sáıkes memlekettik satyp alýdy topqa kiretin 260 uıym júzege asyrady. Aǵymdaǵy jylǵy jospar 3,5 trıllıon teńgeni quraıdy. Osy ýaqytqa deıin 3 trıllıon 350 mıllıard teńgeniń kelisimsharty jasaldy. Ondaǵy qazaqstandyq qamtýdyń úlesi 49 paıyzdy quraıdy. Onyń 23 paıyzy - taýarlar, 76 paıyzy - jumys pen qyzmet", - deıdi Q. Sábdenov.

Onyń aıtýynsha, memlekettik satyp alýda Almaty qalasynyń kásiporyndarymen 672 mıllıard teńgeniń kelisimsharttary jasaldy. Onyń ishinde taýar jetkizý - 47 mıllıard teńge, jumys - 224 mıllıard teńge, qyzmet 101 mıllıard teńge boldy. Ótken jyl bul kórsetkish 414 mıllıard teńgeni quraǵan bolatyn.