«Samuryq-Qazyna» UÁQ» AQ aldaǵy onjyldyqtaǵy damýynyń strategııalyq baǵyttaryn aıqyndady

 Bul týraly búgin atalǵan qordyń 2012-2022 jyldarǵa arnalǵan damýynyń nezgi strategııalyq baǵyttaryna arnalǵan dóńgelek ústel barysynda «Samuryq-Qazyna» UÁQ» AQ basqarmasy tóraǵasynyń orynbasary Qýandyq Bıshimbaev aıtty.

«Qazirgi ýaqytta qor daǵdarysqa qarsy mindetterin júzege asyrýdy aıaqtap, memlekettik aktıvterdiń qunyn barynsha kóbeıtý arqyly eldiń ál-aýqatyn arttyratyn qordyń strategııalyq holdıng bolyp tabylýyna oraı ony qurý kezindegi damý modeline qaıtyp oralýda. Bul rette Úkimet pen Memleket basshysy júktegen mindetterdi eskere otyryp, kapıtaldyń tıimdi qaıtarylýyn qamtamasyz etedi», - dedi ol.

Onyń atap ótýinshe, qor taıaýdaǵy onjyldyqqa óziniń damýynyń úsh strategııalyq baǵytyn aıqyndap otyr. Birinshi strategııalyq baǵyt qor kompanııalary arasynan «ulttyq chempıondardy» qalyptastyrýǵa negizdelgen. Al ekinshi baǵytta ulttyq ekonomıkany ártaraptandyrýǵa jáne jańǵyrtýǵa járdemdesý, al úshinshiden áleýmettik jaýapkershilik máselesi kózdelgen.

«Samuryq-Qazyna» UÁQ» AQ-tyń qyzmet aıasy qarjy, paıdalaný qazbalardy óndirý, kólik ınfraqurylymynan bastap, farmatsevtıka men telekommýnıkatsııaǵa deıingi ekonomıkanyń barlyq salasyn qamtıdy. Іshki jalpy ónimniń shamamen 40 paıyzy osy qorǵa tıesili.