«Samuryq-Qazyna» UƏQ 15 jeltoqsanda jekeshelendirýge jatatyn aktıvterin baǵalaýǵa kirisedi
Bul týraly búgin QR Úkimetiniń selektorlyq otyrysynda atalǵan qordyń basqarma tóraǵasy Ómirzaq Shókeev málim etti.
«Jekeshelendirýge qatysty aıtar bolsam, biz Qarjy mınıstrligimen daıyndyq jumystaryn júrgizdik. Qazirgi ýaqytta zańnamaǵa jáne qordyń ishki protsedýralaryna ózgertýler engizilýde. Bul birinshi kezekte aktıvterdi bəsekelestik ortaǵa berýge qatysty. Aktıvter tizimi bekitilgennen keıin 15 jeltoqsanda bizde tolyq daıyndyq bolady jáne táýelsiz konsýltanttarmen birge olardy júzege asyrý ədisteri boıynsha usynystar əzirleýge kirisemiz», - dedi ol.
Onyń sózine qaraǵanda, strategııalyq tizimge enetin aktıvtermen jumystar zańnama talaptaryn eskere otyryp júrgiziletin bolady.
«Sondyqtan da bizderge Úkimetpen mundaı strategııalyq aktıvterdi qaraý tártibin jedel bekitý qajettiligi týyndaýda. Óıtkeni qazirgi túrinde 153 strategııalyq aktıvtiń 103-iniń «Samuryqqa» qatysy bar jəne onyń birazy jekeshelendirý tizimine enedi»,-dedi ol.
