«Samuryq-Qazyna» transformatsııa arqasynda 61 mlrd teńge únemdedi
Bul týraly búgin «Samuryq-Qazyna» AQ-nyń trasformatsııa jáne aktıvterdi ońtaılandyrý jónindegi basqarýshy dırektory Adamas Ilkıavıchıýs aıtty, dep habarlaıdy QazAqparat.
«Transformatsııanyń ekonomıkalyq tıimdiligin naqty sandarmen de keltire alamyz. Transformatsııa aıasynda birqatar joba uıymdastyryldy. Olardyń sany shamamen 130 joba. Olardyń árqaısysy óz úlesin qosýda. Búgingi kúni tıimdiligi turǵysynda 61 mlrd teńgeniń kórsetkishine qol jetkizdik. Bul shyǵyndardy qysqartý jáne kompanııa kiristiligin arttyrýdan alynǵan ekonomıkalyq tıimdilik. Bul aıtarlyqtaı nátıje», - dedi ol elordada ótken baspasóz máslıhaty barysynda.
Onyń aıtýynsha, jobalardy júzege asyrý merzimi ózgerister aýqymyna baılanysty. Eń aýqymdy jobalar 2020 jyly aıaqtalady.
«Transformatsııa baǵdarlamasy uzaqmerzimdi joba. Onyń arqasynda qordyń qorjyndyq kompanııalarynyń bıznes qyzmetin sapaly túrde jaqsartýǵa jáne olardy jańa deńgeıge shyǵarýǵa múmkindik berildi. Qazirgi ýaqytta bizdiń enshiles kompanııalardyń qyzmet baǵyttary klıenttiń talaptaryna saı bolý, básekege qabilettilik bıznestiń tsıfrlandyrylýy jaǵyna belsendi túrde ózgerýde. Búgingi kúnniń ózinde kompanııalarda jasalǵan qadamdar durys jáne der kezinde»,- dedi Adamas Ilkıavıchıýs.
