«Samuryq-Qazyna» top-menedjmentti aýystyrmaıdy, olardy oqytatyn bolady - Ó. Shókeev

ASTANA. QazAqparat - «Samuryq-Qazyna» top-menedjmentti aýystyrmaıdy, olardy oqytatyn bolady. Búgin «Qazposhta» AQ dırektorlar keńesi, aktsıonerleri jáne qyzmetkerlerimen ótken keńeste «Samuryq-Qazyna» Ulttyq Ál-aýqat Qory» AQ Basqarma tóraǵasy Ómirzaq Shókeev osylaı málim etti.

«Basty faktor - bul adamdar. Bizdiń kadrlyq quramdy jańǵyrtýǵa ár túrli qadam jasaýǵa bolady. «Temasek» («Temasek» - Sıngapýrdyń memlekettik holdıngi) óziniń kadrlyq saıasatyn búkil álem boıynsha ashyq júrgizdi, al transformatsııadan keıin olarda top-menedjmenttiń 40 paıyzyn sheteldikter qurady. Olar sapany arttyrý úshin buǵan sanaly túrde bardy. Al bul tájirıbe «Kazanah» («Khazanah Nasional Bhd» - Malaızııa Investıtsııalyq qory) qorynda 20 paıyzdy qurady. Biz ózimizge «Kazanah» tájirıbesi jaqyn dep sanaımyz. Sonymen qatar, biz adamdardy aýystyrýdy emes, olardy oqytý múmkindigin qarastyramyz», - dedi Ó. Shókeev.

Onyń aıtýynsha, búgingi tańda barlyq oqytý baǵdarlamalary qaıta qaralyp, korporatıvtik ýnıversıtet qurylyp, batystyq bilim alǵan mamandar tartylýda.