«Samuryq-Qazyna» top-menedjerleriniń jartysyn qysqartady - Ó.Shókeev

ASTANA. QazAqparat - «Samuryq-Qazyna» Ulttyq ál-aýqat qory» top-menedjerleriniń jartysyna jýyǵyn qysqartady. Naqtyraq aıtsaq, «Samuryq-Qazyna» 16 basqarýshy dırektordyń tek toǵyzyn jumysta qaldyrady. Bul týraly búgin qordyń transformatsııasyna arnalǵan kongress barysynda qor basshysy Ómirzaq Shókeev málim etti.

«Samuryq-Qazynanyń» jańa jumys úlgisin tanystyra kele, Ómirzaq Shókeev endi ulttyq qor negizgi úsh baǵyt boıynsha jumys isteıtinin atap ótti. Birinshi baǵyt - kommertsııalyq blok, ıaǵnı, qazirgi aktıvterdiń portfelin basqarý, ekinshi baǵyt - korporatıvti blok, ıaǵnı, qarjy, adamı resýrstardy basqarý men operatsııalyq qoldaý bildirý sharalary jáne úshinshi baǵyt - monıtorıngteý.

«Basqasha aıtsaq, biz baqylaý úlgisinen portfeldi kommertsııalyq basqarý úlgisine aýysqymyz keledi. Osylaısha, memlekettik qor ózderi qun saıasatyn júzege asyryp, ulttyq kompanııalardyń qyzmetine qatysty ákimshilik jumystardy atqarmaıtyn bolady», - dep habarlady Ó.Shókeev.

Qor basshysy atap ótkendeı, qyzmetkerlerdiń 60 paıyzǵa jýyǵy jańa salalardy qurý jáne qazirgi aktıvterdiń portfelin basqarý baǵytynda jumys atqaratyn bolady.