«Samuryq-Qazyna» taza paıdanyń úlesin jarııalady

ASTANA. QazAqparat -«Samuryq-Qazyna» AQ tabys kólemi artqanyn jarııalady, dep habarlaıdy QazAqparat.

«Qarjylyq nátıjelerge toqtalatyn bolsaq, «Samuryq-Qazyna» úshin ótken jyl aıtarlyqtaı tabysty boldy. Aktsıoner úlesindegi shoǵyrlanǵan taza paıda ótken jyldyń qorytyndysy boıynsha 455 mlrd. teńgeni qurady, bul 2015 jylǵy kórsetkishten 292 mlrd teńgege nemese 1,8 ese artyq»,-dedi  «Samuryq-Qazyna» AQ basqarma tóraǵasy Ómirzaq Shókeev Parlament  Májilisindegi «dóńgelek ústel» barysynda.

Onyń sózine qaraǵanda, mundaı nátıjege qol jetkizý tabystardy ulǵaıtý men shyǵyndardy júıeli túrde azaıtý esebinen múmkin boldy.

Qordyń strategııalyq kórsetkishi bolyp tabylatyn taza avtıvterdiń quny 6,8 trln. teńgeden asyp, 2015 jylǵydan 7 paıyzǵa ósti. Menshikti kapıtaldyń tıimdiligi byltyrdyń sońynda 5,5 paıyzǵa jetti.