«Samuryq-Qazyna» strategııalyq ınvestıtsııalyq holdıngke aınalý mindetin oryndady - Shókeev
«Samuryq-Qazyna» AQ basqarma tóraǵasy Ómirzaq Shókeev Town Hall Meeting jıynyn ashý barysynda atap ótkenindeı, Qordyń korporatıvtik ortalyǵy transformatsııa aıasynda kommertsııalyq strategııalyq ınvestıtsııalyq holdıngke aınalý mindetin abyroımen oryndady.
«Negizgi ádisterdiń barlyǵy ázirlenip, qoldanysqa engizildi, Qordyń quramy aıtarlyqtaı jańardy, 2016 jyldyń qorytyndysy boıynsha ońtaıly kórsetkishter bar. Endigi kezekte basty mindet qorjyndyq kompanııalarǵa júkteledi, olardan biz transformatsııanyń údemeli júzege asyrýdy jáne naqtyly nátıjelerdi kútemiz», - dedi Qor basshysy. Ómirzaq Shókeev qorjyndyq kompanııalarǵa qatysty bıylǵy boljaldardy da atap kórsetti: «Barshańyz aǵymdaǵy jyly belgilengen maqsat-mindetterińizdi bilesizder: bul biryńǵaı standarttardy - referenstik modelderdi engizý, satyp alý qyzmetiniń jańa úlgisine kóshý, josparlaýdyń ıntegratsııalanǵan júıesin ónerkásipte qoldanysqa engizý - jalpy Qor men onyń alty qorjyndyq kompanııalarynda 130-ǵa jýyq joba men bastama».
«2014 jyly Transformatsııa baǵdarlamasyn júzege asyra bastaǵan kezde bizdiń aldymyzda turǵan mindet - memlekettik aktıvterdiń ákimshisi rólinen arylyp, aktıvter qorjynyn tıimdi basqaratyn jáne jańa óndiristerdi belsendi damytatyn kommertsııalyq holdıngtik kompanııa modeline ótý. Ekonomıkalyq yntymaqtastyq jáne damý uıymynyń standarttaryna sáıkes ázirlengen Korporatıvtik basqarýdyń jańa kodeksi osy ózgeristerdiń negizi bolyp tabylady. Búginde Qor qorjyndyq kompanııalarmen jańasha qarym-qatynas etedi, endi Dırektorlar keńesteriniń ókilderi jáne strategııalyq PÁK (paıdaly áser koefıtsıenti) arqyly qosymsha qundy qalyptastyrýǵa basa nazar aýdarylady», - dep qosty Qor transformatsııasy jobasynyń jetekshisi Larısa Zıamzına.
Basqosýda sonymen qatar Qordyń birqatar qorjyndyq kompanııasynyń basshylary baıandama jasady. Máselen, «Qazposhta» AQ basqarma tóraǵasy qyzmetkerlerdi qaıta daıarlaý úshin ashylǵan Korporatıvtik oqytý ortalyǵy, poshta bólimshelerin jańǵyrtý, suryptaý ýchaskelerindegi avtomatızatsııa jáne kompanııanyń jańa qyzmetteri týraly aqparat berdi. «Aqsha aýdarymyn jeńildetý úshin Sim2Post júıesi engizildi, onyń arqasynda tutynýshylar Beeline operatoryna aqsha aýdaryp, onyń sodan keıin Qazposhtanyń kez kelgen bólimshesinde alýǵa bolady», - dedi Sáken Sársenov. 2017 jyldyń sońyna deıin Qazposhta birneshe qarjy ónimin shyǵarýdy kózdeıdi, sonyń ishinde - protsessıng ortalyǵy, áleýmettik karta, tutynýshyny tekserý. Áleýmettik karta ınnovatsııalyq ónim bolyp tabylady, elektrondyq chıppen jabdyqtalǵan bul karta eseptik aqparattyq tólemaqy qosymshalardy qamtıdy. Onyń kómegimen elimizdiń azamattary úshin zeınetaqy, járdemaqy, shákirtaqy men sýbsıdııalardy alyp, kommýnaldyq qyzmet úshin tólemaqyny jáne salyq tóleýge, sondaı-aq dúkenderde eseptesýge múmkindik bar.
Qor kompanııalary tobynyń táýelsiz dırektorlary da Transformatsııa baǵdarlamasyn júzege asyrýǵa qatysty oılarymen bólisti.
«Qorjyndyq kompanııalardyń basshylarymen kezdesý barysynda, jáne osy is-sharaǵa qatysyp otyrǵan jas qyzmetkerlerdi tyńdaǵan kezde men shynymen de ózgeristerdiń túbegeıli ekenine kóz jetkizemin. Bul jaı ǵana urandar men kesteler emes, bul naǵyz dúnıelerdi júzege asyrýdyń shejiresi», - dep atap ótti «Samuryq-Qazyna» AQ táýelsiz dırektory - Dırektorlar keńesiniń múshesi Olıve Dekamp.
