Samuryq-Qazyna SQO-daǵy eki zaýytqa 8,5 mlrd teńgeniń ónimine tapsyrys berdi
Búgin SQO-ǵa «Samuryq-Qazyna»UÁQ» AQ basshysy Ahmetjan Esimov keldi. Qordyń qoǵammen baılanys jáne marketıngtik kommýnıkatsııalar jónindegi departamenttiniń málimetinshe, «Samuryq-Qazyna» ımport almastyrý baǵdarlamasy men «offteık sharttar» mehanızmi aıasynda jańa óndirister qurýdy qarastyratyn jobalarǵa kómek kórsetýge daıyn ekenin atap ótti.
«2018 jyly biz qordyń satyp alý júıesin jetildirý boıynsha aýqymdy jumystardy bastap, otandyq taýar óndirýshilerdi qoldaýǵa basymdyq berdik. Nátıjesinde holdıng ishindegi satyp alý 25 ese qysqardy jáne 630 mlrd teńgeden astam qarajat bizdiń kásipkerlerge básekeles ortaǵa berildi. Básekelestik orta qurý arqyly 36 mlrd astam teńge únemdeldi», - dedi Ahmetjan Esimov.
Aıta ketken jón, «offteık sharttar» shyǵarýǵa josparlanǵan ónimge aldyn ala tólem jasaý arqyly uzaq merzimdi tapsyrysqa kepildik beredi. Basty shart - elde ónim óndirisiniń bolmaýy jáne oǵan qor kompanııalarynyń qajettiligi.
Qor basshysy Ahmetjan Esimovtiń aıtýynsha, qazirgi ýaqytta ımportty almastyrý baǵdarlamasy aıasynda elimizde jańa óndirister qurý boıynsha qor 27 jobany maquldady, jobalardy iske asyrýǵa bólingen ınvestıtsııa kólemi 215 mlrd teńgeden asady, nátıjesinde 1 600-den astam jumys orny ashylmaq.
Ol jobalardyń arasynda SQO-nyń eki iri kásiporny – «Petropavl aýyr mashına jasaý zaýyty» AQ (PAMJZ) jáne «S.Kırov atyndaǵy zaýyt» AQ bar. Kezdesý barysynda qordyń qorjyndyq kompanııalary zaýyttarmen 8,5 mlrd astam teńgeniń kelisimsharttaryna qol qoıdy.
«PAMJZ» AQ 2,3 mlrd teńgeniń arnaıy tehnıkasyn jetkizýi tıis. Al Kırov atyndaǵy zaýytpen 6,2 mlrd teńgeniń ónimine kelisimge qol qoıyldy. Onyń ishinde 3 jylǵa arnalǵan bir uzaq merzimdi kelisimshart bar.
«Búgin biz «Samuryq-Qazynamen» memorandýmǵa qol qoıdyq. Onyń aıasynda óńirdi damytýǵa baǵyttalǵan birqatar birqatar júıeli sharalar belgilengen. qordyń qoldaýymen Sh.Ýálıhanov aýdanyndaǵy shalǵaı aýyldardyń birinde uıaly baılanys qyzmeti jaqsarady», - dedi oblys ákimi Qumar Aqsaqalov.
Memorandým aıasynda qor SQO-yn TKSh-ny avtomattandyrý, qala qaýipsizdiginiń monıtorıngin qamtamasyz etý, 2020-2021 jyldary GSM jáne LTE standarttarynyń 25 bazalyq stansasyn iske qosý arqyly «aqyldy» qalalary bar oblys retinde damytatyn bolady.
Budan basqa, áleýmettik saladaǵy jobalar iske asyrylmaq. Onyń ishinde balalardy ońaltý ortalyǵyn qural-jabdyqtarmen jabdyqtaý, medıtsınalyq poıyzdyń shalǵaı stantsııalarǵa tegin qatynaýy, ámbebap sport oıyn alańdaryn salý jobalary bar.
Shaǵyn jáne orta bıznesti damytý baǵytynda 2020 jylǵa poshta jelisi men elektrondyq saýdany keńeıtý – SQO-da poshta baılanysynyń 10 seriktes bólimshesin ashý jáne ShOB kásipkerleri úshin elektrondyq saýda negizderi boıynsha semınarlar ótkizý josparlanyp otyr.
