«Samuryq-Qazyna» satyp alýlardyń biryńǵaı portalyn iske qosady

ASTANA. QazAqparat - «Samuryq-Qazyna» Ulttyq ál-aýqat qory elektrondyq satyp alýlardyń biryńǵaı portalyn iske qosady.  Bul týraly búgin Úkimet úıinde ótken baspasóz máslıhatynda «Samuryq-Qazyna Kelisimshart» JShS bas dırektorynyń orynbasary Bolat Jumaǵalıev  aıtty, dep habarlaıdy QazAqparat.

«Samuryq-Qazynanyń» satyp alý qyzmetin jetildirý satyp alýlardy baqylaýdyń barlyq salalaryna qatysty. Osyǵan baılanysty kameralyq baqylaý engizilip, onyń aıasynda táýekelder beıini anyqtalady. Avtomattandyrý óziniń maqsatyna saı táýekelder beıinin qadalaǵalap otyrýǵa septigin tıgizedi. Búgingi kúni jumys istep turǵan «Tenden SQ» júıesi táýekelderdiń shamamen 18 paıyzyn qadaǵalaı almaıdy. Al jańadan engizileıtin júıe táýekelderdiń jartysynan astamyn qamtıdy», - dedi ol.

Qazaqstandyq kompanııa qurastyrǵan portalda taýar, jumys jáne qyzmet qajettiligin josparlaýdan bastap, satyp alýdy ótkizý, sharttardy bekitý jáne iske asyrýǵa deıingi barlyq tsıkl oryndalady. Satyp alý barysynyń bir platformada júzege asyrylýy - Qorǵa onlaın tártipte tıisti protsedýralarǵa saraptama júrgizýge, sapaly jáne birtutas taldaý jasaýǵa, qatelikterdi anyqtaýǵa, jetkizýshiler tarabynan túsken shaǵymdarǵa jedel áreket etýge múmkindik beredi.

Іske qosylatyn júıe 77 táýekel beıinin qamtýǵa múmkindik beredi. Bul jalpy kólemniń 65 paıyzdan astamyn quraıdy. Qalǵan 34 paıyzdan astamy kameraldy baqylaý arqyly saraptalady. Máselen, eger tapsyrys berýshi satyp alý kezinde satyp alý erejesin buzsa, onda júıe avtomatty túrde osy sekildi «táýekelderdi» buzýshylyqtar túri boıynsha tıisti faılda saqtaıdy jáne olardy  qarastyrý úshin qordyń satyp alý máseleleri jónindegi ýákiletti organyna jiberedi.