«Samuryq-Qazyna» paıdasynyń 7 paıyzyn «Qazaqstan halqyna» qoryna aýdarady – Prezıdent Joldaýy

NUR-SULTAN. QazAqparat – «Samuryq-Qazyna» taza paıdasynyń 7 paıyzyn «Qazaqstan halqyna» qoǵamdyq qoryna aýdarady, dep habarlaıdy QazAqparat tilshisi.

Bul jaıynda Prezıdent Qasym-Jomart Toqaev Qazaqstan halqyna Joldaýynda málim etti.

«Samuryq-Qazyna» qory taza paıdasynyń keminde 7 paıyzyn «Qazaqstan halqyna» qoǵamdyq qoryna aýdaratyn bolady. Bul – Jańa Qazaqstannyń sıpatyna saı keletin mańyzdy bastama. Sondaı-aq, tabysy mol kásipkerler men azamattar qorǵa demeýshilik kórsete beredi dep senemin», - dedi Memleket basshysy.

Sondaı-aq, Joldaýda «Samuryq-Qazyna» qorynyń majorıtarly ınvestorǵa aınalatyny aıtyldy.

«Buǵan deıin aıtylǵandaı, memleket óziniń ekonomıkaǵa aralasýyn birtindep azaıta beredi. «Samuryq-Qazyna» qory ekonomıkanyń basty salalaryna baqylaý jasaýǵa ǵana jetkilikti yqpaly bar majorıtarly ınvestorǵa aınalady.

Qordyń basqa aktıvteri men aktsııalaryn jekeshelendirý kerek. Ony júzege asyrýǵa «Halyqtyq ІRO» tásilin de qoldanýǵa bolady», - dedi Prezıdent.

Memleket olarǵa elimizde turaqty turý úshin vıza beredi.
Sondaı-aq, Prezıdent Úkimettiń jumysyn synady.