«Samuryq-Qazyna» óz tobyndaǵy keıbir kompanııalardyń aktsııa úlesin 50 paıyzǵa deıin kóterýge múddeli

Bul týraly búgin QR Parlamenti Senatynyń jalpy otyrysynda «Ulttyq ál-aýqat qory» týraly zań jobasyn talqylaý barysynda «Samuryq-Qazyna» UÁQ» AQ basqarma tóraǵasynyń orynbasary Qýandyq Bıshimbaev málim etti.

Toqtala ketetin jaıt, talqylaý barysynda senator Qýanysh Aıtahanov zań jobasyna ǵylymı zertteý ınstıtýttarynyń bergen qorytyndylaryna súıene otyryp, sybaılas jemqorlyqqa jol bermeý máselelerin kótergen bolatyn. «Búgingi zań jobasynda sybaılas jemqorlyqqa qarsy tásilder de qamtylyp otyr. Negizi bundaı tásilder aktsııalarynyń 50 paıyzy «Samuryq-Qazyna» qoryna tıesili kompanııalarǵa tán. Sondyqtan da, biz sybaılas jemqorlyqqa qatysty Qor arqyly 35 paıyzdyq aktsııalaryna ǵana ıelengen kompanııalarǵa baqylaý jasaı almaımyz. Sol úshin osyndaı kompanııalardyń aktsııalyq shekti deńgeıin kóterýdi qarastyryp jatyrmyz», - deıdi Q.Bıshimbaev.