«Samuryq-Qazyna» ókilderi azamattarǵa «Aqjaıyq» jáne «Ál-Arqa» turǵyn úı keshenderindegi páterlerdiń kiltterin tapsyrdy
ASTANA. Maýsymnyń 30-y. QazAqparat /Aıdar Ospanalıev/ - Búgin Astana qalasynda «Jyljymaıtyn múlik qory», «Samuryq-Qazyna» qory jáne «Jyljymaıtyn múlik qory mendjment» jaýapkershiligi shekteýli seriktestiginiń ókilderi jalǵa alýshy azamattarǵa «Aqjaıyq» jáne «Ál-Arqa» turǵyn úı keshenderindegi páterlerdiń kiltterin tapsyrdy,
dep habarlaıdy QazAqparat.
Atalmysh shara «Jyljymaıtyn múlik qory» qarjysynyń qatysýymen salynǵyn tuńǵysh nysandardaǵy jalǵa beriletin páterlerdi taratýdyń qorytyndy kezeńi. Páterlerdi jalǵa berý arqyly satyp alý ádisin tańdaǵan 249 otbasy qonys toıyn toılaıtyn boldy.
Sharaǵa «Samuryq-Qazyna» ál-aýqat qory» aktsıonerlik qoǵamynyń basshylary, jergilikti atqarýshy organdar men «Nur Otan» partııasynyń jáne «Atameken odaǵy» Qazaqstannyń ulttyq ekonomıkalyq palatasynyń ókilderi qatysty. Jańadan qonystanyp jatqan otbasylar úshin «Jyljymaıtyn múlik qory menedjment» seriktestigi uıymdastyrǵan «Jan uıam» atty arnaıy baǵdarlamasynyń tusaýkeseri ótti. Atalmysh baǵdarlama aıasynda jeńildikter men bonýstar jıhaz, turǵyn úı tehnıkasy men qurylys materıaldaryn satyp alýǵa bolady.
Turǵyn úılerden tys «Samuryq-Qazyna» jyljymaıtyn múlik qoryna» tıesili kommertsııalyq keńselerdi aınalymǵa shyǵarý protsesi bastaldy. «Aqjaıyq» jáne «Ál-Arqa» turǵyn úılerindegi keńseler shaǵyn jáne orta bıznes ókilderiniń qoldanysyna daıyn. Mundaı jobalar isker top ókilderine jasalǵan jańa múmkindik.
2010 jyldyń aıaǵyna deıin Jyljymaıtyn múlik qory Astana qalasynda ornalasqan 6 turǵyn úı keshenderin qoldanysqa berýdi josparlap otyr.
