Samuryq-Qazyna men Báıterek holdınginiń rólin anyqtaý qajet - Prezıdent
«Biz alǵa qoıǵan maqsattarǵa qol jetkizý tásilderin ózgertemiz. Máseleniń máni osynda. Sondyqtan jobada jalpy baǵyttar men urandardyń ǵana kórsetilgeni emes, sondaı-aq naqty baǵyttar, jańa ádisterdiń jobasy berilgeni de óte mańyzdy. Sonymen qatar pysyqtaýdy qajet etetin birneshe másele bar. Birinshi, meniń oıymsha, qujatty naqtylaı túsý qajet. Mysaly, árbir baǵyt boıynsha iske asyrylýǵa tıis ekonomıkalyq reformalar tiziminiń úlgisi jáne olardyń mindetteri men maqsattary kórsetilýi kerek. Sondaı-aq jobada tehnologııalyq jańǵyrý jáne ınnovatsııalardy engizý tásilderi naqtylanbaǵan. Jańa jaǵdaıda ınnovatsııalyq saıasat qandaı bolýǵa tıis? Ókinishke qaraı, bul máselede naqty ustanym joq. Ekinshiden, qujat aıasynda «Samuryq-Qazyna» qory men «Báıterek» holdınginiń rólin anyqtaý qajet. Bular ekonomıka úshin de, memlekettik saıasat úshin de óte mańyzdy sýbektiler. Sondyqtan olardyń jumysyn durys júrgizý arqyly búkil ekonomıkalyq saıasattyń tıimdiligin anyqtaýǵa bolady», – dedi Qasym-Jomart Toqaev.
