«Samuryq-Qazyna» men bankter arasyndaǵy depozıt kelisimsharttaryna aýdıt júrgizý usynyldy
«27 qyrkúıekte Qazaqstan qor bırjasy «Samuryq-Qazyna» qorynyń 2021 jylǵy shoǵyrlandyrylǵan taza tabysy 1,6 trln teńge bolǵanyn habarlady. Bul rette dıvıdendter tóleýge 170 mlrd teńge baǵyttalmaq.
1,4 trln teńge mólsherindegi somanyń qaldyǵy ınvestıtsııalyq baǵdarlamalardy qarjylandyrý, boryshtyq mindettemelerdi óteý jáne aktıvterdi satyp alý úshin Qordyń ıeliginde qalady», - dep bastaǵan depýtat jyldar boıy kvazımemlekettik sektor sýbektileriniń bank depozıtterin sol bankterdiń korporatıvtik baǵaly qaǵazdaryna aıyrbastaýdyń jabyq tásili qoldanysta bolǵanyn atap ótti.
Májilis ókili muny halyqtyń aqshasymen Qazaqstan qor bırjasynda oınaý dep baǵalaıtynyn aıtady.
«Ótken jylmen salystyrǵanda Qazaqstan qor bırjasynda satylatyn memlekettik boryshtyń somasy 17,6 trln teńge boldy. ıAǵnı, bir jyldaǵy aıyrmashylyq 2 trln teńgege jýyq ósti.
Aıta ketý kerek, «Samuryq-Qazyna» qorynyń banktik depozıtterinde 907,5 mlrd teńge saqtalady. Bul 2021 jylǵy 31 jeltoqsandaǵy qaldyqtan 213 mlrd teńgege nemese 24% artyq.
Ekinshi deńgeıdegi bankter kvazımemlekettik sektordyń depozıtteri arqyly arzan ótimdilik kózine ıe bola otyryp, respýblıkalyq bıýdjet tapshylyǵynyń jyl saıynǵy ósýinen naqty benefıtsıar bolyp otyr. Bul rette kvazımemlekettik sektordyń ótimdiliginiń eldiń kredıt naryǵyna, atap aıtqanda ekonomıkanyń naqty sektoryn kredıtteýge áseriniń oń áseri múldem kórinbeıdi», - dedi ol.
Depýtat «Samuryq-Qazyna» qory men «QazMunaıGaz» kompanııasynyń syrttan alǵan qaryzdaryna nazar aýdarý qajettigin aıtty.
«Sheteldik kredıtorlar halyqtyq qarjyny bastapqy basqarýdyń taǵy bir benefıtsıarlary bolyp alǵan. Mysaly, 25 qarashada jel elektr stantsııasyn salý jobasy týraly málimet shyqty. Sol úshin «Samuryq-Qazyna» qory men «QazMunaıGaz» UK» AQ 1,4 mlrd AQSh dollaryn nemese 659 mlrd teńge almaqshy», - degen ıÝrıı Lı Joǵary aýdıtorlyq palataǵa «Samuryq-Qazyna» men bankter arasyndaǵy depozıt kelisimsharttaryna aýdıt júrgizýdi usyndy
Sondaı-aq ol Bas prokýratýra men Sybaılas jemqorlyqqa qarsy is-qımyl agenttigine osyndaı kelisimderden týyndaıtyn jemqorlyq táýekelderin tekserýdi usyndy.
