«Samuryq Qazyna» QTJ top-menedjmentiniń ústinen qylmystyq ister qozǵalǵany týraly derekti joqqa shyǵardy

ASTANA. QazAqparat - «Samuryq Qazyna» UÁQ» AQ QTJ top-menedjmentiniń ústinen qylmystyq ister qozǵalǵany týraly derekti joqqa shyǵardy.

«Tanymal aqparat agenttiginiń saıty men áleýmettik jelilerde «Qazaqstan Temir Joly» UK» AQ top-menedjmenti ústinen birqatar qylmystyq is qozǵaldy degen qaýeset tarady. Atalǵan aqparat shyndyqqa janaspaıdy. Kompanııanyń bedeline nuqsan keltiretin mundaı anonımdi aqparatty ornalastyrmas buryn muqııat bezbendep, saralap alýdy ótinemiz» delingen «Samuryq Qazyna» kompanııasynyń resmı saıtynda jarııalanǵan habarlamada. Esterińizge sala keteıik, sál buryn qazaqstandyq portaldardyń birinde «QTJ» ulttyq kompanııasynyń basshylyǵyna qatysty tergeý júrgizilgeni jáne qylmystyq is qozǵalǵany týraly materıal jarııalanǵan edi.