«Samuryq-Qazyna» qorynyń turǵyn úı komıssııasy «Marııa» turǵyn úı kesheninde jalǵa beriletin páterlerdi úlestirdi

«Samuryq-Qazyna» UÁQ «Jyljymaıtyn múlik qory» AQ-nyń turǵyn jáne kommertsııalyq bólmelerdi úlestirý týraly Erejesine sáıkes, «Samuryq-Qazyna» UÁQ-nyń turǵyn úı komıssııasy «Marııa» turǵyn úı kesheninen 49 páterdi kvota arqyly úlestirdi. Kvota memlekettik organdar men ulttyq kompanııalardyń qyzmetkerlerine berildi.

«Marııa» turǵyn úı kesheniniń qurylysy Úkimettiń, Ulttyq bank pen Qazaqstan Respýblıkasynyń Qarjy naryǵy jáne qarjylyq uıymdardy retteý men qadaǵalaý agenttiginiń 2009-2010 jyldarǵa arnalǵan Ekonomıka men qarjy júıesin turaqtandyrýǵa arnalǵan birlesken is-qımyldar josparyn júzege asyrý aıasynda -«Jyljymaıtyn múlik qory» AQ-nyń qatysýymen aıaqtaldy.

«Jyljymaıtyn múlik qory» AQ turalap qalǵan qurylys nysandarynyń qurylysyn aıaqtaý jáne úleskerlerdiń problemasyn sheshýge baǵyttalǵan daǵdarysqa qarsy ınstıtýt bolyp tabylady.

Eske salaıyq, 2010 jylǵy 30 qańtar kúni kvota boıynsha baspanalar «Nazarbaev Ýnıversıteti» AQ, memlekettik organdar men ulttyq kompanııalar qyzmetkerlerine «Soltústik shuǵylasy» turǵyn úı kesheninen berilgen bolatyn.

Al alǵashqy iske qosylǵan «Ál-Arqa» jáne «Aqjaıyq» turǵyn úı keshenderindegi jaldamaly páterler jalpy konkýrs arqyly úlestirildi.