«Samuryq-Qazyna» qorynyń quramyndaǵy kompanııalar júzege asyratyn jobalar aıasynda 46 myń jumys orny qurylady
ASTANA. Qańtardyń 25-i. QazAqparat /Ernur Aqanbaı/ - «Samuryq-Qazyna» qorynyń quramyndaǵy kompanııalar toby júzege asyratyn ınvestıtsııalyq jobalar aıasynda 46 myń jumys ornyn qurý kózdelip otyr,
dep habarlaıdy QazAqparat atalmysh Qordyń baspasóz qyzmetine silteme jasap.
«Qordyń quramyndaǵy kompanııalar 212 jobany maquldady, onyń 160-y qarjylandyrylyp jatyr. 25,7 mlrd. AQSh dollaryna saı 33 joba qarastyrylyp jatyr, olardyń 3-ýi qazirdiń ózinde qarjylandyryla bastady. Búkil jobalar júzege asa bastaǵannan keıin 46 myń jumys orny paıda bolady», delingen Qordyń baspasóz qyzmetiniń habarlamasynda. Baspasóz qyzmetiniń málimetinshe, jalpy Qor tobynyń ınvestıtsııalary 2009 jyldyń alǵashqy jartyjyldyǵynda el ekonomıkasyna quıylǵan búkil ınvestıtsııanyń 12 paıyzyn quraǵan.
Anyqtama: Qorda qazirgi kúni mynadaı damý ınstıtýttary bar: «Qazaqstan Damý banki», «Damý» kásipkerlikti damytý qory», «Kazyna Capital Management», «Qazaqstannyń ınvestıtsııalyq qory» AQ, «Eksporttyq operatsııalardy saqtandyrý memlekettik korporatsııasy» AQ.
