«Samuryq-Qazyna» qorynyń kompanııalar toby jyl basynan 19,7 mlrd. teńge tabys tapty

ASTANA. 5 sáýir. QazAqparat - «Samuryq-Qazyna» qoryna kiretin kompanııalar tobynyń qańtar-aqpandaǵy taza kirisi 286 mln. teńgeni qurady.

Bul týraly búgin atalǵan qordyń basqarma tóraǵasy Ómirzaq Shókeev aıtty.

«Samuryq-Qazyna» qoryna kiretin kompanııalar tobynyń qańtar-aqpandaǵy taza kirisi 286 mln. teńgeni qurady. Degenmen, buǵan deıin taza shyǵyn kólemi 3,2 mlrd. teńge kóleminde josparlanǵan edi. Bul nátıjege negizinen josparlanǵan jalpy jáne ákimshilik shyǵystardy qysqartý esebinen qol jetkizdik», - dedi ol.

Qor basshysynyń sózine qaraǵanda, tolyqtaı alǵanda esepti kezeńde josparǵa saı 19,7 mlrd. teńge somasynda kiris alynǵan.

«Atalǵan kirister negizinen qarjy resýrstaryn memlekettik baǵdarlamalar boıynsha ártúrli quraldarǵa ornastyrý, berilgen zaımdardyń paıyzdary, sonymen qatar bizdiń kompanııalardyń óndiristik nátıjeleri esebinen alyndy», - dedi Ó.Shókeev.