«Samuryq-Qazyna» qorynyń 2010 jylǵy jumysyndaǵy negizgi baǵyt aktıvterdi basqarýǵa qaraı oıysady

Bul týraly QazAqparat Qordyń baspasóz qyzmetine silteme jasap habarlaıdy.

«Osy baǵyt boıynsha negizgi strategııalyq maqsattardyń biri - Qor tobyndaǵy kompanııalardyń uzaq merzimdik aktsıonerlik qunyn arttyrý sharalaryn qarastyrý. Bul úshin Qor aktıvter qurylymyn ońtaılandyryp, tıimdi korporatıvtik basqarýdy jáne kommertsııalyq emes (áleýmettik) jobalardy júzege asyrý barysynda ashyqtyqtar qamtylady. Sonymen qatar, osy ýaqyt aralyǵynda Qor kompanııalardy basqarýda operatsııalyq baqylaý jasap, shyǵyndardy qatań qadaǵalap, qarjylyq tártipti qamtamasyz etetin bolady», delingen baspasóz aıǵaǵynda.

Toqtala ketetin jaıt, byltyr «Samuryq-Qazyna» qory Ulttyq Qordan daǵdarysqa qarsy baǵdarlamany ıgerý úshin bólingen 1 trln. 87,5 mlrd. teńgeni ashyq, qaıtarymdy baǵytta tıimdi ári tez ıgergen.