«Samuryq-Qazyna» qoryndaǵy qazaqstandyq qamtý 63 paıyzdy qurady

ASTANA. 19 naýryz. QazAqparat - «Samuryq-Qazyna» UÁQ qazaqstandyq qamtýy 2012 jyldyń qorytyndysy boıynsha 63 paıyzdy qurady. Bul týraly búgin qazaqstandyq qamtýdy damytý máselelerine arnalǵan Qoǵamdyq keńestiń otyrysynda «Samuryq-Qazyna» AQ basqarýshy dırektory Jumaǵalı Myńjasarov málim etti.

Basqarýshy dırektordyń aıtýynsha, 2011 jyly qazaqstandyq qamtý deńgeıi 59 paıyzdy quraǵan bolatyn. ıAǵnı, bul baǵytta oń qarqyn bar. «2011 jyly «Samuryq-Qazyna» qoryna kiretin kompanııalar tobynyń satyp alýlary 3,3 trln. teńgeni quraǵan edi. 2012 jyly bul kórsetkish 3,5 trln. teńgege jetti. Osylaısha, Qordyń satyp alýlaryndaǵy qazaqstandyq qamtý 4 paıyzǵa artyp otyr», - deıdi Jumaǵalı Myńjasarov. Onyń aıtýynsha, bundaı kórsetkish otandyq taýarlardy basymdyqpen satyp alýdyń nátıjesinde quralyp otyr.