«Samuryq-Qazyna» qoryndaǵy aktıvterdiń quny 91 mlrd. dollardy qurady - Ó. Shókeev

ASTANA. QazAqparat - «Samuryq-Qazyna» qoryndaǵy aktıvterdiń quny 91 mlrd. dollardy qurady. Bul týraly búgin Astana ekonomıkalyq forýmda «Samuryq-Qazyna» Ulttyq ál-aýqat qory» AQ basqarma tóraǵasy Ómirzaq Shókeev osylaı málim etti.

«Samuryq-Qazyna» qory elimizdiń negizgi strategııalyq mańyzy bar aktıvterin óziniń quramyna shoǵyrlandyrǵan. Qazirgi kezde aktıvterdiń quny 91 mlrd. dollardy quraıdy. Bizdiń qor quramyndaǵy kompanııalarda 360 myńdaı adam jumys isteıdi. Ózderińiz bilesizder, «Samuryq-Qazyna» qurmynda munaı-gaz, temir jol, energetıka, telekom sekildi salalardyń negizin quraıtyn ulttyq kompanııalar bar», - dedi Ó. Shókeev «Samuryq-Qazyna» AQ transformatsııalaý baǵdarlamasy» taqyrybyna arnalǵan jıynda.

Qor transformatsııalaý baǵdarlamasyna byltyrǵy kúzden bastap kiriskenine toqtalǵan ol: «Sol ýaqyttan beri úlken jumystar atqarylyp jatyr. Osy oraıda bizdiń ár enshiles kompanııalarymyzda tıisti toptar qurylǵan», - dedi.