«Samuryq-Qazyna» qorynda 400 adam bıznes-úderisterdi ońtaılandyrýmen aınalysýda

ASTANA. QazAqparat - «Samuryq-Qazyna» ulttyq ál-aýqat qorynda 400 adam bıznes-úderisterdi ońtaılandyrýmen aınalysýda. Bul týraly QR Parlament Májilisindegi dóńgelek ústelde atalǵan Qordyń basshysy Ómirzaq Shókeev málim etti, dep habarlaıdy QazAqparat.

«Biz Qorda 40 myń bıznes-úderisterdi tirkedik. Tek bas kompanııada 2 myń bıznes-úderis qamtylǵan. Endigi maqsat - osy barlyq bıznes-úderisterdi qaıta qarap shyǵyp, ońtaılandyryp, barsha reglamentter men erejelerdi jańadan bekitý. Bul jumystarmen qazirgi kezde Qorda eń úzdik 400 qyzmetker aınalysýda»,-dedi Ó. Shókeev.

Osy rette ol keıbir bıznes-úderister boıynsha qyzmet tıisti deńgeıde oryndalmaı júrgenin, bul turǵyda arnaıy baǵdarlama bul tsıklderdi ońaı anyqtap otyrǵanyn jetkizdi.

«Korporatıvti jospardaǵy bıznes-úderister bar, ıaǵnı qazynashylyq, josparlaý, bıýdjetteý, salyqtyq esep jáne basqalary qamtylǵan. Bizdińshe, bul úderister salalarǵa qaramastan, barlyq kompanııalar úshin standartty bolýy tıis»,-dedi Shókeev.

Onyń sózine qaraǵanda, bıznes-úderisterdi standarttaý turǵysynda referenttik 10 model ázirlendi. Referenttik model kompanııalarda engizý úshin ózindik úlgini qalyptastyrady. Qazirgi kezde Qordyń kompanııalar toby atalǵan modelderdi engizýmen aınalysýda.