«Samuryq - Qazyna» qoryna mamandardy jumysqa alý kezinde ashyqtyq qaǵıdaty saqtalady - Q.Kelimbetov
ASTANA. Qazannyń 6-sy. QazAqparat /Arman Asqarov/ - «Samuryq-Qazyna» qoryna qarasty ulttyq kompanııalardyń tıimdi jumys isteýi úshin Qordyń arnaıy kadrlyq saıasaty qabyldandy.
Oǵan sáıkes, mamandardy jumysqa alý kezinde ashyqtyq qaǵıdaty saqtalady. Búgin «Samuryq - Qazyna» qory men Eýrazııa ulttyq ýnıversıteti arasyndaǵy ózara yntymaqtastyq týraly memorandýmǵa qol qoıý rásimi kezinde Qor tóraǵasy Qaırat Kelimbetov osylaı málim etti.
«Mamandardy jumysqa alý barysynda olardyń bilimine jáne kásibı daıyndyǵyna basa nazar aýdarylady. Máselen, álemniń jetekshi bilim ordalarynda bilim alyp kelgen mamandar Qor ákimshiliginde, ıaǵnı basqarý apparatynda jumys istese, joǵary jetistiktermen kózge túsken qyzmetkerler kishi menedjmenttiń rezervine qabyldanady. Al is-tájirıbesi mol kásibı mamandar top-menedjment rezervine kire alady. Ol adamdar el ekonomıkasynyń «generaldary» dese bolady. Biz ol jumysty júrgizip kelemiz jáne odan keıin de jalǵastyratyn bolamyz», - deıdi Q.Kelimbetov.
