«Samuryq-Qazyna» qory janynan Mamandandyrylǵan komıtet qurylady

Bul týraly búgin QR Parlamenti Senatynyń jalpy otyrysynda «Ulttyq ál-aýqat qory» týraly zań jobasyn talqylaý barysynda Ekonomıkalyq damý jáne saýda vıtse-mınıstri Marat Qusaıynov málim etti.

Vıtse-mınıstrdiń aıtýynsha, zań jobasyna sáıkes Qordyń aktsııalary tek qana memleket menshiginde bolady jáne ıelikten shyǵarylmaıdy. Budan bólek, Qordyń onjyldyq damý strategııasy Úkimet qaýlysymen bekitiledi. Al onyń Dırektorlar keńesi Premer-Mınıstr laýazymymen basqarylady, keńes músheleri Úkimet músheleri bolyp sanalady.

«Ál-aýqat qorynyń janynan Mamandandyrylǵan komıtet qurylady. Onyń quramyna Esep komıtetiniń ókili kiretini belgilenip otyr. Ókil Qor men onyń barlyq enshiles kompanııalarynyń memlekettik qana emes, kommertsııalyq qarajattarynyń (kommertsııalyq qyzmetinen túsken tabystaryn) da paıdalanýyna tekseristerdi qamtamasyz etedi. Memleket bıýdjetinen Qorǵa bólinetin qarajattardyń tutastaı Esep komıtetimen baqylanatynyn da esten shyǵarmaýymyz kerek», - deıdi M. Qusaıynov.

Mamandandyrylǵan arnaıy komıtet quramyna memlekettik baqylaý men quqyq qorǵaý organdarynyń ókilderi de kiretin bolady.